әрдоған: америкиниң түркийәдики бәзи консулханилирида «җасуслар» бар.

җумһур рәис рәҗәп таййип әрдоған америкиниң түркийәдики бәзи консулханилирида «җасуслар» ниң барлиқини ейтти.

әрдоған: америкиниң түркийәдики бәзи консулханилирида «җасуслар» бар.

түркийә авази радийоси хәвири: әрдоған сербийәдики зийаритидин қайтишида күнтәртипкә мунасивәтлик мәсилиләр һәққидә тохталғанда, икки дөләт оттурисидики виза киризисиниң җавабкариниң америка қошма иштатлириниң әнқәрә баш әлчиси җон бас икәнликини, америкиниң түркийәдики бәзи консулханилирида җасусларниң барлиқини тәкитләп мундақ деди: «америкиниң бәзи консулханилирида фәтһуллаһчи террорлуқ тәшкилати әзаси болған җасуслар бар болуп, улар дипломат әмәс, әксичә җасустур. бундақ җасуслар әнқәрәдиму бар. бу җасусларниң америка дөләт мәҗлиси биләнму қойуқ алақиси бар. буларниң һәммиси көз йумғили болмайдиған һәқиқәт болуп, бу һәммигә бәш қолдәк айан. дәрвәқә, фәтһуллаһчи террорлуқ тәшкилатиниң каттибеши болған баш җасусму пенсилванийәдә йашимақта.»

америка ташқи ишлар министири рекс тиллирсунниң түркийә ташқи ишлар министири мәвлүт чавушоғлуға виза киризисини һәл қилиш үчүн комитет тәшкил қилиш тәклипи сунғанлиқини әскәрткән әрдоған, буниңға мунасивәтлик пилан лайиһәсиниң әвәтилишини күтүватқанлиқлирини тәкитлиди һәмдә түркийәниң русийәдин «с – 400» типлиқ башқурулидиған бомба мудапиә системиси елишқа алақидар соалға җаваб бәргәндә мундақ деди: «бу һәқтә һечқандақ қийин өткәл йоқ. дәсләпки қәдәмдә ортақ ишләпчиқириш пиланимиз йоқ. худайим буйруса, иккинчи басқучтин етибарән башқурулидиған бомба мудапиә системилирини ортақ ишләпчиқиришқа башлаймиз. пирезидент путин билән елип барған учришишлиримизда ишни <с – 400> типлиқ башқурулидиған бомба мудапиә системилири биләнла тамамлаш пиланимиз йоқ. чүнки учришишлиримизда, <с – 500> типлиқ башқурулидиған бомба мудапиә системилири тоғрулуқ сөһбәт елип бардуқ.»



مۇناسىۋەتلىك خەۋەرلەر