dunyaning saqliniwatqan mesililiri TRT World ning riyasetchilikide istanbulda muhakime qilinidu

istanbul, dunyaning saqliniwatqan mesililiri muhakime qilinidighan nahayiti chong bir yighingha sahibxanliq qilidu.

dunyaning saqliniwatqan mesililiri TRT World ning riyasetchilikide istanbulda muhakime qilinidu

türkiye awazi radiyosi xewiri: istanbul, 18 – öktebirde türkiyening inglizche sadasi TRT World qanili teripidin orunlashturulghan dunyaning saqliniwatqan mesililiri muhakime qilinidighan nahayiti chong bir yighingha sahibxanliq qilidu؛ yighinning échilish nutqini jumhur reis rejep tayyip erdoghan sözleydu.

TRT World ning medeniyet, siyaset, iqtisadiy we ijtimaiy sahelerdiki saqliniwatqan mesililerge chare izdesh meqsitide tunji qétim ötküzidighan « TRT Worldmunbiri», dunyaning oxshash bolmighan elliridin kélidighan 400 ge yéqin siyasetchi, soda – sanaetchi, tetqiqatchi, paaliyetchi we zhurnalistlarni özara uchrashturidu.

buningdin kéyin her yili izchil dawamlashturush pilanliniwatqan yighin, «éniqsizliq dewride özgirishke ilham bolush» dégen téma astida ötküzülidu.

«TRT Worldmunbiri» da sözleydighanlarning arisida omumiy xelq bélet tashlash paaliyiti kirizisini bashtin kechürgen ispaniyening sabiq bash ministiri jozé luis rodriguéz zapatéro, malkom éksning ning qizi paaliyetchi ilyasah shabaz, tashqi ishlar ministiri mewlüt chawushoghlu, jenubiy afriqa tereqqiyat ishliri ministiri oliwé dlamini, t r t bash mudiri ibrahim eren we rusi bash diréktori karin won hippél qatarliqlarmu bar.

engliye tashqi ishlar ministirliqining étiqad we topluqlargha mesul ministirliq wezipisidin dölitining ghezze siyasiti seweblik istépa bergen, engliyening tunji musulman ayal ministiri baronés saide warsimu yighinda söz qilidu.

nöwettiki saqliniwatqan siyasiy mesililer we axbarat wasitilirining mesuliyiti bes – munazirilerning merkizidin orun alidighan yighinida, chet ellik düshmenliki we islamofobiya, insanperwer yardem, xelqara sistéma bashtin kechürüwatqan kirizis we uning chiqish yolliri dégen témilar mexsus muhakime qilinidu.

18 – öktebir kechte «TRT World Citizen»  layihesi bilen  TRT Worldning insaniy kirizislerge qarita sezgürlükni ashurush meqsitide qurghan ijtimaiy mesuliyet namliq seperwerlik paaliyiti tonushturulidu.

igilinishiche, layihening témisi «yoqap ketken musapir balilar» iken.

yighinda musapirlar mesilisi küntertipke élip kélingendin sirt, buninggha alaqidar höjjetlik filimlermu teyyarlinidiken.

 TRT Worldxewerler kordinatori fatih er bu heqtep toxtilip, «biz xewer merkizi bolush süpitimiz bilen, organ etkeschilirining qoligha ötüp ketken balilargha alaqidar bir höjjetlik filim teyyarlaymiz, unimu pat yéqinda tarqitimiz, ijtimaiy mesuliyetke alaqidar pilan – layihelirimiz dawamlishidu» dégenlerni qeyt qildi.

« TRT Worldmunbiri» we ishtirakchilargha alaqidar tepsiliy melumatlargha forum.trtworld.com arqiliq érishkili bolidu.


خەتكۈچ: erdoghan , dunya , TRT World , istanbul , türkiye

مۇناسىۋەتلىك خەۋەرلەر