чавушоғлу америка ташқи ишлар министири билән көрүшти

ташқи ишлар министири мәвлүт чавушоғлу америка ташқи ишлар министири рекс тиллирсун билән телефонда көрүшти.

чавушоғлу америка ташқи ишлар министири билән көрүшти

түркийә авази радийоси хәвири:  дипломатик мәнбәләрниң билдүрүшичә, телефон учришишида, түркийә – америка оттурисидики виза киризиси, қораллиқ фәтһуллаһчи террорлуқ тәшкилати унсурлирини тәкшүрүп тутуш җәрйанида америкиниң истанбул консулханиси хадими мәтин топуз мәсилиси қатарлиқ мәсилиләрни чөридигән һалда музакирә елип берилған.

мәтин топузниң сотлиниватқан вә тәкшүрүлүватқан бәзи сабиқ җамат хәвпсизлики идариси вә әдлийә мәһкимилириниң мәсуллири билән мунасивитиниң барлиқи ениқлап чиқилғандин кейин, истанбул баш тәптиш мәһкимиси терроризм вә тәшкиллик җинайәтләрни тәкшүрүп бир тәрәп қилиш башқармиси тәрипидин «асасий қанун тәртипини бузушқа урунуш, җасуслуқ қилиш вә түркийә җумһурийити һөкүмитини йоқитишқа урунуш» қатарлиқ җинайәтләр билән әйиблинип қолға елинғаниди.

арқидинла америка ташқи ишлар министирлиқи наразилиқ билдүргән, түркийә ташқи ишлар министирлиқи буниңға мундақ җаваб бәргәниди: «2017 – йили 25 – сентәбир күни террорлуқ җинайәтлири билән четишлиқи болғанлиқи үчүн қолға елинған мәтин топуз һәм америка консулханисиниң рәсмий хадими әмәс һмә дипломатик вә башқа консулхана хадимлириға охшаш қоғдиниш һоқуқиға игә әмәс.»

бу өзгиришләрдин кейин америка түркийә пуқралириға виза беришни тохтатқан, түркийәниң вашингтон баш әлчиханисиму буниңға мундақ җаваб қайтурғаниди: «америкидики барлиқ вакаләтханилиримиз америка пуқралириға виза беришни тохтаттқ.»



مۇناسىۋەتلىك خەۋەرلەر