jamaet erbabliri erdoghangha rehmet éytti

türkiyediki jamaet erbabliri  iraq kord rayonluq hökümitige inkas qayturush bilen bir waqitta, jumhur reis erdoghangha rehmet éytti.

jamaet erbabliri erdoghangha rehmet éytti

türkiye awazi radiyosi xewiri:  jumhur reis erdoghan bilen körüshken sherqiy we sherqiy jenubiy anadolu rayonliridin bezi jamaet erbabliri iraq kord rayonluq hökümitining 25 – séntebir küni ötküzgen qanunsiz musteqilliq référandumining hergizmu rayondikilerge paydiliq emesliki, buning rayonda suyiqestlik pilanlarni tüzüwatqanlarning oyuni ikenliki toghruluq ortaq tonush hasil qildi.

wan ertushi qebilisining reisi iskender ertush, wan küresünni qebilisidin mustafa qachmaz, shirnaq tatar qebilisining reisi aslan tatar, shirnaq goyan qebilisining reisi hanim babat, mardin qehrimanlar qebilisining reisi hadi qehriman qatarliqlar jumhur reislik sariyida axbarat élan qilish yighini ötküzüp, qoshman bayannamini oqudi.

ertush qetiy iradisi sayisida bölgünchi térrorluq teshkilati  p k k ning uzun yillardin buyan türkiyege qilghan eskilikliri we rayon ahalisigha salghan zulumlirigha xatime bergenliki üchün jumhur reis erdoghangha rehmet éytip mundaq dédi: «bu heqte jumhur reis erdoghanni qollaydighanliqimizni, birlik we barawerlikimiz, qérindashliqimiz we ortaq kélechikimizni chiqish nuqta qilghan asasta bir gewdilishishni xalaydighanliqimizni eng küchlük we roshen halda namayen qilduq. xelqimiz, bayriqimiz, wetinimiz we dölitimizni qizghin söyidighanliqimizni hem jan tikip qoghdaydighanliqimizni, bu qimmet ölchemlirimizge yüzlengen tehditler we hujumlarni esla qobul qilmaydighanliqimiz hem qarshi chiqidighanliqimizni, zörür tépilghanda, bundaq urunushlargha taqabil turush üchün jénimizdin waz kéchidighanliqimizni jumhur reisimizgha izhar qilduq.»



مۇناسىۋەتلىك خەۋەرلەر