ichki ishlar ministiri sulayman soylu térrorchilar heqqide muhim uchurlarni berdi

sulayman soylu: «térrorluq teshkilati ezaliri mughla, fethiye, köyjeghiz qatarliq sayahet raonlirimizgha soqunup kirishke tirishmaqta» dédi.

ichki ishlar ministiri sulayman soylu térrorchilar heqqide muhim uchurlarni berdi

 

türkiye awazi radiyosi xewiri: türkiye ichki ishlar ministiri sulayman soylu térrorluq teshkilati p k k ning türkiyege soqunup kérishning yéngi yollirini izdewatqanliqini éytti.

sulayman soylu mughlaning köyjeghiz nahiyeside bixeterlik qisimliri bilen térrorluq teshkilati p k k ezaliri otturisda yüz bergen toqunush üstide toxtilip: «térrorluq teshkilati axiriqi chare süpitide iraqning shimalidin, irandin we afrindin türkiyege soqunup kirishke urunghandin kéyin, emdlikte bashqa yol izdeshning koyigha chüshti. teshkilatning katiwashlirining buyruqigha asasen ezaliri süriyening port shehiri laziqiye arqiliq aq déngiz we ege déngizigha kélip, uyerdin mughla, fethiye, köyjeghiz qatarliq sayahet raonlirigha soqunup kirishke tirishmaqta» dédi.

sulayman soylu türkiye büyük millet mejlisi (parlaménti) ichki ishlar komitéti yighinida amanliqni saqlash qisimlirining köyjenghizdiki zerbe bérish herikiti üstidimu toxtilip, «térrorluq teshkilatining bu yéngi yolini tosush üchün amanliqni saqlash qisimlirimiz jiddiy heriketlerni qilmaqta. térrorluq teshkilatining yolini tosishimizgha egiship, aldimizgha yéngi tehditler bilen chiqmaqta» dédi.



مۇناسىۋەتلىك خەۋەرلەر