ezerbeyjan - türkiye birleshme manéwiri bashlidi
ezerbeyjan armiyesi, 15 ming eskerning ishtirak qilishi arqisida keng kölemlik herbiy manéwir bashlidi.
türkiye awazi radiyosi xewiri: ezerbeyjan mudapie ministirliqi bayanat élan qilip, pirézidént ilham eliyéwning maqulluqidin ötken pilangha asasen, oxshash bolmighan herbiy qisimlar ishtirak qilghan keng dairilik manéwirning bashlanghanliqini uqturdi.
15 ming esker ishtirak qilghan taghliq rayondiki herbiy manéwirgha, 150 tanka we bironéwik, 120 xil bashqurulidighan bomba we zembirek sistémisi, 20 urush ayropilani we tik uchar ayropilan, yéngi nesil radyoéléktronik charlash üsküniliri we uchquchisiz hawa apparatliri qatnashturuldi.
igilinishiche, bu qétimqi herbiy manéwir 22 – séntebirgiche dawamlishidiken.
yene bir tereptin, ezerbeyjan we türkiye hawa armiyelirining «türkaz bürküti-2017» namliq birleshme herbiy manéwirimu bashlidi.
manéwirda ikki döletning Mig-29, F-16,16, su-25 tipliq urush ayropilanliri؛ s-130 hiraqliyus toshughuchi ayropilanliri, CASA CN-235 ayropilanliri, Mi-35, Mi-17 we skorskiy S-70 tipliq urush tik uchar ayropilanliridin teshkil tapqan 30 gha yéqin hawa qorali wezipe ötimekte.
birlikte heriket qilish imkaniyetlirini bayqashtin sirt, ayropilan we tik uchar ayropilanlar arqiliq belgilengen nishanni bitchit qilish siniqi élip bérilidighan mezkur manéwir, 30 – séntebirgiche dawamlishidu.
