erdoghan özige atap heykel tiklimekchi bolghanlarni tenqid qildi

jumhur reis rejep tayyip erdoghan sheherlik hökümet bashliqlirigha: «méning heykilimni tikishning ornigha xizmetliringlarni aqsatmay toluq ijra qilinglar» dep alahide chaqiriqta boldi.

erdoghan özige atap heykel tiklimekchi bolghanlarni tenqid qildi

türkiye awazi radiyosi xewiri: jumhur reis rejep tayyip erdoghan özige atap bezi sheherlik hökümetlerning heykel tikligenlikini qattiq tenqid qildi. 

erdoghan paytext enqerede ötküzülgen sheherlik hökümet bashliqliri yighinida söz qilip: «bezi sheherlik hökümet bashliqliri méning heykilimni tikleptimish, men buni anglap qattiq azablandim.  hörmetlik dostlar! bu bizning meniwi qimmet qarashlirimizgha zit bir ish. men but–heykellerning tikilishni qetiy xalimaymen. aranglardin héch biringlar bundaq xataliqni ötküzüp salmanglar» dédi.

erdoghan axirida, sheherlik hökümet bashliqlirigha: «méning heykilimni tikleshning ornigha xizmetliringlarni aqsatmay toluq ijra qilinglar» dep alahide chaqiriqta boldi. 


خەتكۈچ: tenqid , heykel , erdoghan

مۇناسىۋەتلىك خەۋەرلەر