erdoghan amérikani eyiblidi

dölitimiz jumhur reisi rejep tayyip erdoghan rusiyedin «S-400» bashqurulidighan bombilartoghrisidiki bayanatliri sewebidin amérikani eyiblidi.

erdoghan amérikani eyiblidi

türkiye awazi radiyosi xewiri: jumhur reis rejep tayyip erdoghan enqerede ötküzülgen sheher bashliqliri yighinida, döletni mewjud qilip turush üchün néme qilish kérek bolsa uning emelge ashurulidighanliqini éytti.

rejep tayyip erdoghan amérikaning: «türkiyening rusiyedin S-400 bashqurulidighan bomba sétiwalghanliqidin endishe hés qilimiz» dégen bayanatigha jawab qayturdi. u mundaq dédi:

«bizni S-400 kélishimi tüzdi dep jiddiylishishke bashlidi, qandaq qilsaq bolatti? silerni saqlamtuq. bizmu barliq xewpsizlik nuqtilirimizda tedbir alimiz we éliwatimiz. emdi türkiye uchquchisiz ayropilanini yasiyalaydighan sewiyege yetti, bu döletni mewjud qilish üchün néme qilish kérek bolsa, shuni qilimiz, uchquchisiz ayropilanmu, tankimu yasaymiz.»

u türkiyening memliket ichi we sirtidiki herbiy heriketlerde «puqralarning ziyangha uchrimasliqi» pirinsipidin waz kechmigen bir dölet ikenlikini tekitlidi.

amérika tashqi ishlar ministirliqining bayanatchisi xézér nawért türkiye bilen rusiyening  S-400kélishimi toghrisida toxtalghanda: «natogha eza döletlerning nato sistémilirigha maslishidighan herbiy qorallarni ishlitishi muhim. eger türkiye rusiyedin S-400 bashqurulidighan bomba sétiwalsa, bu ölchemlerge mas kelmeydu, bu biz üchün éytqanda, qayghugha salidighan ehwaldur» dégen idi.   



مۇناسىۋەتلىك خەۋەرلەر