kurtulmush: 2018-yil türkiye-xitay munasiwetliri üchün nahayiti muhim yil

medeniyet we sayahet ishliri ministiri numan kurtulmush 2018-yilining türkiye-xitay munasiwetliri nuqtisidin nahayiti yaxshi we intayin qimmetlik yil bolidighanliqini éytti.

kurtulmush: 2018-yil türkiye-xitay munasiwetliri üchün nahayiti muhim yil

türkiye awazi radiyosi xewiri: medeniyet we sayahet ishliri ministiri numan kurtulmush xitayda échilghan b d t dunya sayahet teshkilatining 22-nöwetlik omumiy kéngesh yighinigha qatnashti. u türkiye radiyo-téléwiziye idarisi (t r t) we anadoalu agéntliqigha muhim bayanatlarni berdi. u xitaydiki uchrishishliri jeryanida xitay sayahet sahesining muhim wekilliri bilen körüshkenlikini, xitayda paaliyet qiliwatqan türkiye shirketliri bilen ötküzgen yighinlirining intaqyin ünümlük bolghanliqini we bundaq yighinlarni belgilik muddette échip turush kéreklikini eskertti.

u: «bu ziyaret toluq menisi bilen éytqanda, xitaygha qarita yolgha qoyulghan chong seperwerlik paaliyiti hésablinidu. buningdin netije élish üchün bar küchimiz bilen dawamliq tirishimiz. xitaylar bilen ötküzgen uchrishishlirimizda shuni hés qildimki, xitaymu türkiyege pewquladde ehmiyet béridiken» dédi.

béyjing hökümitining türkiyeni istratégiyelik shérik süpitide köridighanliqini, her sahediki munasiwetlerning tereqqiy qildurulushi üchün pewquladde iradige we nishangha ige ikenlikini bildürdi.

u xitay medeniyet ishliri ministirining özi bilen körüshkende «néme üchün türkiyege 2 milyon sayahetchi barmighudek» dep ümidini ipadiligenlikini xatirilitip: «bu yighinning ünümi nahayiti yuqiri boldi, inshaallah netijige érishidighan bir qatar qedemlerning tashlinishigha seweb bolur» dédi.

numan kurtulmush yighin jeryanidiki uchrishishlarning türkiyede sayahetchilikning tereqqiyatigha we xitay bilen bolghan medeniyet paaliyetlirining küchiyishige köp paydiilq ikenlikini eskertip, mundaq dédi:

«yunus emre inistitutining échilishi üchün uchrishishlar ötküzduq, inshaallah nahayiti qisqa waqit ichide xitayda yunus emre inistitutining échilishi mumkin bolidu. oxshash waqitta, türkiyede kungzi inistitutining échilishini emelge ashurimiz, hazir bezi uniwérstétlarda buninggha munasiwetlik alaqilar bar, shunga konférans we xitaylar bilen ötküzülgen uchrishishlar köp paydiliq boldi.»

u b d t dunya sayahet teshkilatining omumiy kéngesh yighini munasiwiti bilen, yighingha kelgen döletlerning ministirliri bilen körüshüp, bu döletler bilen sayahetchilikte qaysi ishlarni qilishni muzakire qilidighanliqlirini bildürdi.

medeniyet we sayahet ishliri ministiri kurtulmush xitayning chéngdu shehiridiki uchrishishliri daireside, ezerbeyjan medeniyet we sayahet ishliri ministiri ebülfez garayew bilen körüshti.

türkiye 1975-yili qurulghan b d t dunya sayahet teshkilatining qurghuchi döletliridin biri hésablinidu.



مۇناسىۋەتلىك خەۋەرلەر