куртулмуш: 2018-йил түркийә-хитай мунасивәтлири үчүн наһайити муһим йил

мәдәнийәт вә сайаһәт ишлири министири нуман куртулмуш 2018-йилиниң түркийә-хитай мунасивәтлири нуқтисидин наһайити йахши вә интайин қиммәтлик йил болидиғанлиқини ейтти.

куртулмуш: 2018-йил түркийә-хитай мунасивәтлири үчүн наһайити муһим йил

түркийә авази радийоси хәвири: мәдәнийәт вә сайаһәт ишлири министири нуман куртулмуш хитайда ечилған б д т дунйа сайаһәт тәшкилатиниң 22-нөвәтлик омумий кеңәш йиғиниға қатнашти. у түркийә радийо-телевизийә идариси (т р т) вә анадоалу агентлиқиға муһим байанатларни бәрди. у хитайдики учришишлири җәрйанида хитай сайаһәт саһәсиниң муһим вәкиллири билән көрүшкәнликини, хитайда паалийәт қиливатқан түркийә ширкәтлири билән өткүзгән йиғинлириниң интақйин үнүмлүк болғанлиқини вә бундақ йиғинларни бәлгилик муддәттә ечип туруш керәкликини әскәртти.

у: «бу зийарәт толуқ мәниси билән ейтқанда, хитайға қарита йолға қойулған чоң сәпәрвәрлик паалийити һесаблиниду. буниңдин нәтиҗә елиш үчүн бар күчимиз билән давамлиқ тиришимиз. хитайлар билән өткүзгән учришишлиримизда шуни һес қилдимки, хитайму түркийәгә пәвқуладдә әһмийәт беридикән» деди.

бейҗиң һөкүмитиниң түркийәни истратегийәлик шерик сүпитидә көридиғанлиқини, һәр саһәдики мунасивәтләрниң тәрәққий қилдурулуши үчүн пәвқуладдә ирадигә вә нишанға игә икәнликини билдүрди.

у хитай мәдәнийәт ишлири министириниң өзи билән көрүшкәндә «немә үчүн түркийәгә 2 милйон сайаһәтчи бармиғудәк» дәп үмидини ипадилигәнликини хатирилитип: «бу йиғинниң үнүми наһайити йуқири болди, иншааллаһ нәтиҗигә еришидиған бир қатар қәдәмләрниң ташлинишиға сәвәб болур» деди.

нуман куртулмуш йиғин җәрйанидики учришишларниң түркийәдә сайаһәтчиликниң тәрәққийатиға вә хитай билән болған мәдәнийәт паалийәтлириниң күчийишигә көп пайдиилқ икәнликини әскәртип, мундақ деди:

«йунус әмрә иниститутиниң ечилиши үчүн учришишлар өткүздуқ, иншааллаһ наһайити қисқа вақит ичидә хитайда йунус әмрә иниститутиниң ечилиши мумкин болиду. охшаш вақитта, түркийәдә куңзи иниститутиниң ечилишини әмәлгә ашуримиз, һазир бәзи универстетларда буниңға мунасивәтлик алақилар бар, шуңа конферанс вә хитайлар билән өткүзүлгән учришишлар көп пайдилиқ болди.»

у б д т дунйа сайаһәт тәшкилатиниң омумий кеңәш йиғини мунасивити билән, йиғинға кәлгән дөләтләрниң министирлири билән көрүшүп, бу дөләтләр билән сайаһәтчиликтә қайси ишларни қилишни музакирә қилидиғанлиқлирини билдүрди.

мәдәнийәт вә сайаһәт ишлири министири куртулмуш хитайниң чеңду шәһиридики учришишлири даирәсидә, әзәрбәйҗан мәдәнийәт вә сайаһәт ишлири министири әбүлфәз гарайәв билән көрүшти.

түркийә 1975-йили қурулған б д т дунйа сайаһәт тәшкилатиниң қурғучи дөләтлиридин бири һесаблиниду.



مۇناسىۋەتلىك خەۋەرلەر