türkiye extemning qamaqqa höküm qilinghanliqigha naraziliq bildürdi

türkiye, qirim tatar milliy mejlisining muawin bashliqi extem chiygözning qamaq jazasigha höküm qilinishigha naraziliq bildürdi.

türkiye extemning qamaqqa höküm qilinghanliqigha naraziliq bildürdi

türkiye awazi radiyosi xewiri: türkiye jumhuriyiti tashqi ishlar ministirliqi bayanatchisi hüseyin müftüoghlu, qirim tatar milliy mejlisining muawin bashliqi extem chiygözning qamaq jazasigha höküm qilinghanliqigha alaqidar bir soalgha yazma jawab qayturup, chiygözning üch yilgha yéqin qamaqta tutup turulghandin kéyin, qirimdiki mewjut hökümetning «atalmish sot mehkimisi» teripidin 2017 – yili 11 – séntebirde 8 yilliq qamaq jazasigha höküm qilinghanliqini bildürdi.

sotning hökümnamisining qirimning nöwettiki mesililirini tinch yollar bilen otturigha qoyup kéliwatqan qirim tatarliri duchar bolghan naheqchiliklerge yéngi bir naheqchilikni ilawe qilghanliqini tekitligen bayanatchisi hüseyin müftüoghlu, «chiygöz üstidin chiqirilghan bu hökümning közdin kechürülüshini we nami zikir qiliniwatqan kishining qoyup bérilishini ümid qilimiz, qirim tatar irqdashlirimizning heq we menpeetlirining nezerde tutulushigha ehmiyet béridighanliqimizni yene bir qétim tekitleymiz» dégenlerni qeyt qildi.


خەتكۈچ: sot , qamaq jazasi , extem , tatar , türkiye

مۇناسىۋەتلىك خەۋەرلەر