түркийә әхтәмниң қамаққа һөкүм қилинғанлиқиға наразилиқ билдүрди

түркийә, қирим татар миллий мәҗлисиниң муавин башлиқи әхтәм чийгөзниң қамақ җазасиға һөкүм қилинишиға наразилиқ билдүрди.

түркийә әхтәмниң қамаққа һөкүм қилинғанлиқиға наразилиқ билдүрди

түркийә авази радийоси хәвири: түркийә җумһурийити ташқи ишлар министирлиқи байанатчиси һүсәйин мүфтүоғлу, қирим татар миллий мәҗлисиниң муавин башлиқи әхтәм чийгөзниң қамақ җазасиға һөкүм қилинғанлиқиға алақидар бир соалға йазма җаваб қайтуруп, чийгөзниң үч йилға йеқин қамақта тутуп турулғандин кейин, қиримдики мәвҗут һөкүмәтниң «аталмиш сот мәһкимиси» тәрипидин 2017 – йили 11 – сентәбирдә 8 йиллиқ қамақ җазасиға һөкүм қилинғанлиқини билдүрди.

сотниң һөкүмнамисиниң қиримниң нөвәттики мәсилилирини тинч йоллар билән оттуриға қойуп келиватқан қирим татарлири дучар болған наһәқчиликләргә йеңи бир наһәқчиликни илавә қилғанлиқини тәкитлигән байанатчиси һүсәйин мүфтүоғлу, «чийгөз үстидин чиқирилған бу һөкүмниң көздин кәчүрүлүшини вә нами зикир қилиниватқан кишиниң қойуп берилишини үмид қилимиз, қирим татар ирқдашлиримизниң һәқ вә мәнпәәтлириниң нәзәрдә тутулушиға әһмийәт беридиғанлиқимизни йәнә бир қетим тәкитләймиз» дегәнләрни қәйт қилди.



مۇناسىۋەتلىك خەۋەرلەر