yildirim bügün girétsiyede ziyarette bolidu

bash ministir binali yildirim, girétsiye bash ministiri aléksis chiprasning teklipige binaen bügün (19 – iyun) girétsiyede bir künlük xizmet ziyaritide bolidu.

yildirim bügün girétsiyede ziyarette bolidu

türkiye awazi radiyosi xewiri: paytext atinadiki uchrishishliri dairiside, girétsiye bash ministiri chipras we pirézidént prokopis pawlopolos bilen körüshidighan bash ministir yildirim, türk az sanliqlar yashaydighan gherbiy trakya rayonigha bérip, u yerdiki qandashlar bilen bir iptar ziyapitide uchrishidu.

bash ministir binali yildirimning aridin ikki yérim yil ötkendin kéyin ishqa ashuridighan bash ministir derijilik bu qétimqi ziyariti dairiside, ikki terep munasiwetliri, rayongha alaqidar mesililer, türkiye – yawropa ittipaqi munasiwetliri we qibris mesilisi qatarliqlarning muhakime qilinishi kütülmekte.

bash ministir binali yildirimning bügün ishqa ashurulidighan bir künlük girétsiye ziyariti, qibris yighinining mushu ayning axirida shiwéytsariyening jenwe shehiride qaytidin chaqirilidighan bolushi, türkiyening aq déngizda bashlighan köp qatlamliq tewritip tekshürüsh we burghilash istratégiyesi, rim terepning néfit we tebiiy gaz izdesh dairiside bezi xelqaraliq shirketler bilen bir tereplime kélishim tüzüshi dégendek nuqtilar nezerge élinghinida, intayin muhim bir mezgilge toghra kélidu.

girétsiye taratqulirining xewerlirige asaslanghanda, yildirimning ziyariti jumhur reis rejep tayyip erdoghan bilen girétsiye bash ministiri chiprasning 13 – mayda xitayning paytexti béyjingda chaqirilghan bir belbagh, bir yol yighini jeryanida ötküzgen uchrishishining dawami hésablinidiken.

mezkur xizmet ziyariti arqiliq, ikki terep uchrishishlirining qaytidin bashlinishigha alaqidar ramkining sizip chiqilishi nishan qilinmaqta.



مۇناسىۋەتلىك خەۋەرلەر