chawushoghlu yaponiyede dölet ishliri ziyaritide bolidu

dölitimiz tashqi ishlar ministiri mewlut chawushoghlu, yaponiye tashqi ishlar ministiri fumio kishidaning teklipige binaen yaponiyede ziyarette bolidu.

chawushoghlu yaponiyede dölet ishliri ziyaritide bolidu

türkiye awazi radiyosi xewiri: dölitimiz tashqi ishlar ministiri mewlut chawushoghlu, 20 – iyundin 22 – iyunghiche yaponiye tashqi ishlar ministiri fumio kishidaning teklipige binaen yaponiyede ziyarette bolidu.

yaponiyege aridin 14 yil ötkendin kéyinki tashqi ishlar ministiri derijiside qilinidighan bu qétimqi ziyaret dairiside, chawushoghluning yapon mensepdishi fumio kishida, iqtisad, soda we sanaet ishliri ministiri xiroshigé séko we yaponiye – türkiye parlaméntlar ara dostluq guruppisining ezaliri bilen körüshüshi؛ bash ministir shinzo abé teripidin qobul qilinishi we sasakawa tinchliq fondi isimlik tetqiqat ornida «ottura sherqtiki özgirishler we türkiyening roli» dégen témida léksiye sözlishi pilanlanmaqta.

ministir chawushoghlu yaponiyediki uchrishishliri jeryanida ikki dölet arisidiki munasiwetler we qoshumche hemkarliq saheliri muzakire qilinidu, rayon we xelqaragha alaqidar mesililer boyiche pikir almashturulidu.


خەتكۈچ: yaponiye , türkiye

مۇناسىۋەتلىك خەۋەرلەر