شىرناقتا بىر ئەسكەر شېھىت بولدى

تۈركىيە ئاۋازى رادىيوسى خەۋىرى: شىرناقنىڭ ئۇلۇدەرە ناھىيەسىدىكى بەستلەر – دەرەلەر رايونىدا تېررورلۇق تەشكىلاتى پ ك ك غا قارشى ئېلىپ بېرىلغان ھەرىكەت جەريانىدا يارىدار بولغان 2 ئەسكەردىن بىرسى شېھىت بولدى.

ئامانلىقنى ساقلاش مەنبەلىرىنىڭ بىلدۈرۈشىچە، ئۇلۇدەرە ناھىيەسىدىكى بەستلەر – دەرەلەر رايونىدا تېررورلۇق تەشكىلاتى پ ك ك ئەزالىرىغا قارشى 23 – ژاندارما چېگرا مۇداپىئە قوماندانلىقىغا قاراشلىق ئەترەتلەر بىلەن يېزا قوغدىغۇچىلىرى ئەترىتى بىرلىكتە زەربە بېرىش ھەرىكىتى باشلىغان.

ھەرىكەت  جەريانىدا ئاختۇرۇش ئېلىپ بېرىۋاتقان ئەسكەرلەرگە تېررورچىلارنىڭ ھۇجۇم قىلىشى تۈپەيلى 2 ئەسكەر يارىدار بولغان.

يارىدار بولغان ئەسكەرلەر ھەربىي تىك ئۇچار ئايروپىلان بىلەن شىرناق دۆلەت دوختۇرخانىسىدا جىددىي بالېنتسقا ئېلىنغان بولسىمۇ، بىراق يارىدار بولغان ئەسكەرلەردىن بىرسى قۇتقۇزۇش ئۈنۈم بەرمەي دوختۇرخانىدا شېھىت بولغان.