11.02.2019

bügünki türkiye gézitliridin tallap teyyarlighan xewerlirimizning qisqiche mezmunliri töwendikiche:

11.02.2019

türkiye awazi radiyosi: «<xabertürk> géziti», «yéngi atatürk kültür merkizini ul téshi qoyuldi» serlewhilik xewiride töwendiki uchurlarni oqurmenliri bilen ortaqlashti: istanbul taqsim meydanida atatürk kültür merkizining ul téshini qoyush murasimida söz qilghan jumhur reis rejep tayyip erdoghan, türkiyening senet we kültür hayatida chighir achidighan muhim bir qedemni tashlighanliqlirini eskertti. u, tünügün ötküzülgen murasimda, atatürk kültür merkizining 95600 kiwadrat métirliq sahege ige 5 ayrim binadin teshkil tapidighanliqini qeyt qilip, «istanbul atatürk kültür merkizini 2 yildek qisqa waqit ichide pütküzüp, senetchilirimiz we senetsöyerlerning xizmitige sunimiz» dédi.

«<weten> géziti», «türkiye bilen türkiye zor kölemlik shérikchilik ornatti, istanbul we antaliye muzakire üstilide» serlewhilik xewiride töwendiki uchurlarni oqurmenliri bilen ortaqlashti: türk – rus ortaq uniwérsitétining tepsilati otturigha chiqishqa bashlidi. jumhur reis rejep tayyip erdoghanning aprél éyida ishqa ashurushi pilanliniwatqan rusiye ziyariti jeryanidiki rusiye pirézidénti wiladimir putin bilen ötküzidighan uchrishishida, türk – rus ortaq uniwérsitéti mesilisining küntertipke kélishi kütülmekte. ikki döletning ortaq uniwérsitéti üchün istanbul yaki antaliyadin birini tallash mesilisi muzakire qilinmaqta.

«<hörriyet> géziti», «istanbul ayrodurumlirida 7 milyon 968 ming 882 yoluchi kütüwélindi» serlewhilik xewiride töwendiki uchurlarni oqurmenliri bilen ortaqlashti: atatürk, sabiha gökchen we istanbul ayrodurumlirida, yanwar éyidiki ichki we tashqi awiyatsiye seperliri bulturqining oxshash mezgilige sélishturghanda 1068 éship, 56 ming 420 boldi. bu mezgilde mezkur ayrodurumlar arqiliq kélish – kétish seperliri bolup jemiy 7 milyon 968 ming 882 yoluchi yötkeldi. bu yilning deslepki éyida 56420 qétim dölet ichi – sirtigha ayropilan qatnighan istanbuldiki ayrodurumlarda 7 milyon 968 ming 882 yoluchi kütüwélindi.

«<star> géziti», «güle - qaq éksporti 1 milyard 388 milyon dollargha yetti» serlewhilik xewiride töwendiki uchurlarni oqurmenliri bilen ortaqlashti: türkiyening güle – qaq éksporti 2018 – yili %8.5 lik éshish bilen 1 milyard 279 milyon dollardin 1 milyard 338 milyon dollargha yetti. gérmaniye 178 milyon dollar bilen eng köp güle – qaq éksport qilinghan dölet boldi, engliye 164 milyon dollar bilen ikkinchi rettin orun aldi. italiye bolsa, 102 milyon dollarliq güle – qaq éksporti bilen üchinchi qatargha tizildi. güle – qaq éksport qilinghan dölet sani 143 boldi.

«<yéngi shepeq> géziti», «chéchekchilerning 2019 – yilliq nishani 85 döletke (mehsulat) éksport qilish» serlewhilik xewiride töwendiki uchurlarni oqurmenliri bilen ortaqlashti: ötken yili 100 milyon dollarliq mehsulat éksport qilghan türk kesme gül – chéchek sahesi, bu yil dölet sanini 85 ke yetküzüp, 125 milyon dollarliq éksport nishanigha yétishni pilanlimaqta. ottura anadolu bézek ösümlükliri we mehsulatliri éksportchiliri birlikining bashliqi ismail yilmaz, eng muhim bazarlirining gollandiye we engliye ikenlikini bildürüp, yéqinqi yillarda özbékistan baziridimu körünerlik derijide éshish bolghanliqini eskertti.


خەتكۈچ: uyghurche , gézit , metbuat , türkiye

مۇناسىۋەتلىك خەۋەرلەر