11.02.2019

бүгүнки түркийә гезитлиридин таллап тәййарлиған хәвәрлиримизниң қисқичә мәзмунлири төвәндикичә:

11.02.2019

түркийә авази радийоси: «<хабәртүрк> гезити», «йеңи ататүрк күлтүр мәркизини ул теши қойулди» сәрләвһилик хәвиридә төвәндики учурларни оқурмәнлири билән ортақлашти: истанбул тақсим мәйданида ататүрк күлтүр мәркизиниң ул тешини қойуш мурасимида сөз қилған җумһур рәис рәҗәп таййип әрдоған, түркийәниң сәнәт вә күлтүр һайатида чиғир ачидиған муһим бир қәдәмни ташлиғанлиқлирини әскәртти. у, түнүгүн өткүзүлгән мурасимда, ататүрк күлтүр мәркизиниң 95600 кивадрат метирлиқ саһәгә игә 5 айрим бинадин тәшкил тапидиғанлиқини қәйт қилип, «истанбул ататүрк күлтүр мәркизини 2 йилдәк қисқа вақит ичидә пүткүзүп, сәнәтчилиримиз вә сәнәтсөйәрләрниң хизмитигә сунимиз» деди.

«<вәтән> гезити», «түркийә билән түркийә зор көләмлик шерикчилик орнатти, истанбул вә анталийә музакирә үстилидә» сәрләвһилик хәвиридә төвәндики учурларни оқурмәнлири билән ортақлашти: түрк – рус ортақ университетиниң тәпсилати оттуриға чиқишқа башлиди. җумһур рәис рәҗәп таййип әрдоғанниң апрел ейида ишқа ашуруши пиланлиниватқан русийә зийарити җәрйанидики русийә пирезиденти виладимир путин билән өткүзидиған учришишида, түрк – рус ортақ университети мәсилисиниң күнтәртипкә келиши күтүлмәктә. икки дөләтниң ортақ университети үчүн истанбул йаки анталийадин бирини таллаш мәсилиси музакирә қилинмақта.

«<һөррийәт> гезити», «истанбул айродурумлирида 7 милйон 968 миң 882 йолучи күтүвелинди» сәрләвһилик хәвиридә төвәндики учурларни оқурмәнлири билән ортақлашти: ататүрк, сабиһа гөкчән вә истанбул айродурумлирида, йанвар ейидики ички вә ташқи авийатсийә сәпәрлири бултурқиниң охшаш мәзгилигә селиштурғанда 1068 ешип, 56 миң 420 болди. бу мәзгилдә мәзкур айродурумлар арқилиқ келиш – кетиш сәпәрлири болуп җәмий 7 милйон 968 миң 882 йолучи йөткәлди. бу йилниң дәсләпки ейида 56420 қетим дөләт ичи – сиртиға айропилан қатниған истанбулдики айродурумларда 7 милйон 968 миң 882 йолучи күтүвелинди.

«<стар> гезити», «гүлә - қақ експорти 1 милйард 388 милйон долларға йәтти» сәрләвһилик хәвиридә төвәндики учурларни оқурмәнлири билән ортақлашти: түркийәниң гүлә – қақ експорти 2018 – йили %8.5 лик ешиш билән 1 милйард 279 милйон доллардин 1 милйард 338 милйон долларға йәтти. германийә 178 милйон доллар билән әң көп гүлә – қақ експорт қилинған дөләт болди, әнглийә 164 милйон доллар билән иккинчи рәттин орун алди. италийә болса, 102 милйон долларлиқ гүлә – қақ експорти билән үчинчи қатарға тизилди. гүлә – қақ експорт қилинған дөләт сани 143 болди.

«<йеңи шәпәқ> гезити», «чечәкчиләрниң 2019 – йиллиқ нишани 85 дөләткә (мәһсулат) експорт қилиш» сәрләвһилик хәвиридә төвәндики учурларни оқурмәнлири билән ортақлашти: өткән йили 100 милйон долларлиқ мәһсулат експорт қилған түрк кәсмә гүл – чечәк саһәси, бу йил дөләт санини 85 кә йәткүзүп, 125 милйон долларлиқ експорт нишаниға йетишни пиланлимақта. оттура анадолу безәк өсүмлүклири вә мәһсулатлири експортчилири бирликиниң башлиқи исмаил йилмаз, әң муһим базарлириниң голландийә вә әнглийә икәнликини билдүрүп, йеқинқи йилларда өзбекистан базиридиму көрүнәрлик дәриҗидә ешиш болғанлиқини әскәртти.



مۇناسىۋەتلىك خەۋەرلەر