11.01.2019

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

11.01.2019

türkiye awazi radiyosi: «yéngi shepeq géziti», «<engliyening waqit géziti, erdoghan bölgünchi térrorluq teshkilati y p g/ p k k nuqtiisdin heqliq> dep xewer élan qildi» serlewhilik xewiride munularni yazdi:

waqit gézitining intérnét bétide élan qilinghan analizda, jumhur reis rejep tayyip erdoghanning y p g nuqtisidin neqeder heqliq ikenliki tekitlendi. p k k bilen y p g ning otturisida héchqandaq perq yoqluqi we dunyaning eng aldinqi qatardiki kaptalist küchi bolghan nato we gherb ittipaqining rehbiri hésablinidighan amérikining idéogiyesi, modédin qalghan markisizm bilen murriy bokchin namliq anche tonulmighan hökümetsizlikni terghip qilghuchi peylasopning étiqadi otturisida bir körünüp, bir körünmey kéliwatqan y p g/p k k ni qollashning toghra chüshinishke bolidighan héchqandaq teripi yoqluqi bildürüldi. 

«weten géziti», «amérika heyiti wetenperwer bashqurulidighan bomba sétish üchün türkiyege kélidu» serlewhilik xewiride munularni yazdi:

amérikidin bir heyet 15 we 16 yanwarda wetenperwer namliq bashqurulidighan mudapie sistémilirini sétish muzakiriliri üchün türkiyege kélidu. amérika heyiti aldimizdiki hepte hawa mudapie sanaiti idarisidda uchriishlarda bolidu. amérika terepning wetenperwer namliq bashqurulidighan bomba sétip bérish üchün türkiyening rusiyedin «S-400» bashqurulidighan bomba sétiwélishtin waz kéchishini shert qilmaqta. biraq, türkiye «S-400» bashqurulidighan bomba sétiwélishta ching turmaqta. türkiyedinmu bir heyet yanwar éyining axirida amérikida ziyarette bolidu.

«sabah géziti», «milliy yumtaldin tunji uchur» serlewhilik xewiride, munu uchurlargha orun ajratti:

herbiy munberler we qomandanliq merkezliri otturisidiki taktékiliq melumatlarning bixeter halda yetküzülüishini nishan qilghan xizmetlerde ünümlük bir netije qolgha keldi. yumtal téxnika shirkiti «MilSOFT» teripidin yerlik we milliy taktéka melumat liniye yumtali ishlepchiqirildi. shimaliy atlantik ehdi teshkilatining ölchemliri sewiyesidiki milliy yumtal türkiyede ishlepchiqirilghan simsiz, modém we yoshurun alaqe sistémiliri arqiliq herbiy munberler we qomandanliq merkezliri otturisidiki yerlik liniyeni shekillendüridighan bir torni ishlitishge imkaniyet yaritip béridu. netijilik halda sinaqtin ötken bu yumtaldin yollanghan tunji uchur «merhaba tarixiy ehmiyetke ige minutlar» dégen söz boldi. 

«xeber türk géziti», «nishan 70 milyon sayahetchi we 70 milyard dollar» serlewhilik xewiride munularni qeyt qildi:

kültür we sayahet ishliri ministiri mehmet ersoy gollandiyening utrécht shehiride bu yil 49 nöwetliki ötküzülgen sayahet yermenkisige qatnashti. yermenkide türkiye sayahet shirketliri hemmining diqqitini tartti. ministir ersoy türkiye sayahet sahesining 2018 yilida zor ilgirileshlerni qolgha keltürgenlikini bildürdi.  2019 yilida sayahetchiler sani jehettin %18 tin %20 kiche yuqiri örleshning mölcherliniwatqanliqini tekitlep: «2019 yilida eslidiki 52 milyonluq sayahetchi sanini chörüp tashlaymiz. nishanimizni yuqiri kötürduq. yéngi nishanimiz 70 milyon sayahetchi we 70 milyard dollar» dédi.

«sitar géziti», «halal sayahet sahesini iptixarlandurghan mukapat» serlewhilik xewiride munularni yazdi:

halal sayahet saheside türkiyede méhmanlargha toluq we yaxshi mulazimet qilghan antalyaning sayahet jenniti alanya nahiyesidiki 5 yultuzluq «adin béch méhmanxanisi», dunya miqyasidiki 900 ming méhmanxana arisida, 8 milyon sayahetchining bahasini asas qilghan halda bahalap chiqilghan mukapat tizimlikidin orun aldi. adin béch méhmanxanisi «HolidayCheck 2019» teripidin tewsiye qilinghan méhmansaray mukapatigha érishti.



مۇناسىۋەتلىك خەۋەرلەر