06.12.2018

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

06.12.2018

türkiye awazi radiyosi: «‹xewer türk› géziti», «milliy urush ayropilani shamal siniqida» serlewhilik xewiride, töwendiki melumatlarni oqurmenlirining diqqitige sundi: yawropadiki eng ilghar 5 – ewlad urush ayropilanliri layihesi bolghan « TF-X» tipliq milliy urush ayropilani layihesi shamal tunéli siniqidin ötküzülmekte.

 ayropilan layihesini nahayiti téz  shekilde tamamlashni nishan qiliwatqan türkiye, layiheni püttürüsh aldida turmaqta.

ayropilanni bir yürüsh halda ishlepchiqirish xizmitining 2033 – yili bashlinishi we shu waqitqiche 400 dane zakaz qilinishi nishan qilinmaqta.

«‹yéngi shepeq› géziti», «türkiye puqrawi awiyatsiye ishlirida rékort yaratti» serlewhilik xewiride, töwendiki melumatlarni oqurmenlirining diqqitige sundi:

176 dölettin texminen 2 ming ayrodurum ezasi bar yawropa ayrodurumliri kéngishining 2008 – 2018 – yilliq paaliyet doklati élan qilindi.

dotlatqa asaslanghanda,  dölet tertipi boyiche türkiye yéqinqi 10 yil ichide biwasite uchush nuqtilirining sanini % 191 ashurghan. türkiye wasitilik uchush nuqtilirining sanini % 130, ayrodurum alaqe nuqtilirining sanini % 157 we xewerlishish nuqtilirining sanini % 534 ashurup, yawropa boyiche uchush torini eng yüksek sewiyege yetküzgen dölet bolghan.

«‹star› géziti», «türkiyening eng chong herbiy paraxoti < TCG Anadolu > ni tapshurup bérish waqti bir yil burungha özgertildi» serlewhilik xewiride, töwendiki melumatlargha orun ajratti:

türkiye déngiz armiyesi üchün ishlepchiqirilishi dawamlishiwatqan we eng chong paraxot hésablinidighan < TCG Anadolu > küreshchi paraxotni ishlepchiqirish paaliyetliri tézleshti. bu, türkiyening eng chong dölet mudapiesi layihesi hésablinidu, shuning bilen bir waqitta, bu türkiyening yer shari xaraktérlik küchke aylinish ghayisining eng muhim ülgisini teshkil qilidu.

igilinishiche, ishlepchiqirilishi  muddettin bir yil burun tamamlinishi pilanliniwatqan paraxot 2020 – yili türkiye déngiz armiyesige tapshurup bérilidiken.

«‹sabah› géziti», «2018 – yili izmirgha eng köp gérman sayahetchiler keldi» serlewhilik xewiride, töwendiki uchurlarni oqurmenlirining diqqitige sundi:

öktebir éyida türkiyege kelgen chet ellik sayahetchilerning sani aldinqi yilning oxshash mezgilige sélishturghanda % 25.5 éship, 3.8 milyongha yetti.

 türkiyede sayahette bolghan gérmanlarning köpinchisining tallash obéykti izmir boldi. izmir, öktebir éyighiche rusiye, firansiye, engliye we gérmaniye qatarliq döletlerdin 966 ming chet ellik sayahetchini kütüwaldi.

türkiyege kelgen chet ellik sayahetchiler tizimlikide, 604 ming 73 kishi bilen rusiye birinchi rettin, 589 ming 626 kishi bilen gérmaniye ikkinchi rettin, 264 ming 17 kishi bilen engliye üchinchi rettin orun aldi.

 



مۇناسىۋەتلىك خەۋەرلەر