06.12.2018

бүгүнки түркийә мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

06.12.2018

түркийә авази радийоси: «‹хәвәр түрк› гезити», «миллий уруш айропилани шамал синиқида» сәрләвһилик хәвиридә, төвәндики мәлуматларни оқурмәнлириниң диққитигә сунди: йавропадики әң илғар 5 – әвлад уруш айропиланлири лайиһәси болған « TF-X» типлиқ миллий уруш айропилани лайиһәси шамал тунели синиқидин өткүзүлмәктә.

 айропилан лайиһәсини наһайити тез  шәкилдә тамамлашни нишан қиливатқан түркийә, лайиһәни пүттүрүш алдида турмақта.

айропиланни бир йүрүш һалда ишләпчиқириш хизмитиниң 2033 – йили башлиниши вә шу вақитқичә 400 данә заказ қилиниши нишан қилинмақта.

«‹йеңи шәпәқ› гезити», «түркийә пуқрави авийатсийә ишлирида рекорт йаратти» сәрләвһилик хәвиридә, төвәндики мәлуматларни оқурмәнлириниң диққитигә сунди:

176 дөләттин тәхминән 2 миң айродурум әзаси бар йавропа айродурумлири кеңишиниң 2008 – 2018 – йиллиқ паалийәт доклати елан қилинди.

дотлатқа асасланғанда,  дөләт тәртипи бойичә түркийә йеқинқи 10 йил ичидә биваситә учуш нуқтилириниң санини % 191 ашурған. түркийә васитилик учуш нуқтилириниң санини % 130, айродурум алақә нуқтилириниң санини % 157 вә хәвәрлишиш нуқтилириниң санини % 534 ашуруп, йавропа бойичә учуш торини әң йүксәк сәвийәгә йәткүзгән дөләт болған.

«‹стар› гезити», «түркийәниң әң чоң һәрбий парахоти < TCG Anadolu > ни тапшуруп бериш вақти бир йил бурунға өзгәртилди» сәрләвһилик хәвиридә, төвәндики мәлуматларға орун аҗратти:

түркийә деңиз армийәси үчүн ишләпчиқирилиши давамлишиватқан вә әң чоң парахот һесаблинидиған < TCG Anadolu > күрәшчи парахотни ишләпчиқириш паалийәтлири тезләшти. бу, түркийәниң әң чоң дөләт мудапиәси лайиһәси һесаблиниду, шуниң билән бир вақитта, бу түркийәниң йәр шари характерлик күчкә айлиниш ғайисиниң әң муһим үлгисини тәшкил қилиду.

игилинишичә, ишләпчиқирилиши  муддәттин бир йил бурун тамамлиниши пиланлиниватқан парахот 2020 – йили түркийә деңиз армийәсигә тапшуруп берилидикән.

«‹сабаһ› гезити», «2018 – йили измирға әң көп герман сайаһәтчиләр кәлди» сәрләвһилик хәвиридә, төвәндики учурларни оқурмәнлириниң диққитигә сунди:

өктәбир ейида түркийәгә кәлгән чәт әллик сайаһәтчиләрниң сани алдинқи йилниң охшаш мәзгилигә селиштурғанда % 25.5 ешип, 3.8 милйонға йәтти.

 түркийәдә сайаһәттә болған германларниң көпинчисиниң таллаш обейкти измир болди. измир, өктәбир ейиғичә русийә, фирансийә, әнглийә вә германийә қатарлиқ дөләтләрдин 966 миң чәт әллик сайаһәтчини күтүвалди.

түркийәгә кәлгән чәт әллик сайаһәтчиләр тизимликидә, 604 миң 73 киши билән русийә биринчи рәттин, 589 миң 626 киши билән германийә иккинчи рәттин, 264 миң 17 киши билән әнглийә үчинчи рәттин орун алди.

 



مۇناسىۋەتلىك خەۋەرلەر