08.11.2018

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

08.11.2018

türkiye awazi radiyosi: «‹xewer türk› géziti», ministir aqar amérika qoshma ishtatlirining bölgünchi térrorluq teshkilati p k k ning kattibashlirigha alaqidar qarari toghruluq toxtaldi» serlewhilik xewiride, töwendiki melumatlargha orun ajratti:

dölet mudapie ministiri hulusi aqar amérika qoshma ishtatliridin bölgünchi térrorluq teshkilati p k k gha oxshashla uningdin qilche perqlenmeydighan y p g toghriliqmu keskin pozitsiye tutushini kütüwatqanliqlirini éytti.

sudan ziyariti dairiside sewakin arilida bayanat bergen aqar, amérika qoshma ishtatlirining bölgünchi térrorluq teshkilati p k k ning kattibashliri heqqide uchur yetküzgüchilerge mukapat bérilidighanliqigha alaqidar qararidin tolimu xursen ikenliklirini tekitlep mundaq dédi: «ittipaqshimizning bu qedimi nahayiti ijabiy, emma tolimu kéchikken bir qedemdur, aqar amérika qoshma ishtatliridin bölgünchi térrorluq teshkilati p k k gha oxshashla uningdin qilche perqlenmeydighan y p g toghriliqmu keskin pozitsiye tutushini kütüwatimiz. chünki, y p g liq térrorchilar ittipaqdishimiz amérika bilen bolghan dostluqimiz we hemkarliqimizgha kölengge chüshürmekte, amérika tereptin bu xataliqini derhal tüzitishini kütüwatimiz. derweqe, amérika qoshma ishtatlirining bir tereptin bölgünchi térrorluq teshkilati p k k ning kattibashliri toghruluq uchur yetküzgüchilerge mukapat bérish toghruluq qarar chiqirip, yene bir tereptin, p k k ning gumashtisi bolghan térrorluq teshkilati y p g ge yük aptomobilliri, ayropilanlar bilen herbiy esliheler, qoral – yaraghlar we oq – dorilar bilen teminlishini qobul qilish esla mumkin emes. bu jehettinmu  amérika qoshma ishtatlirining xataliqini derhal tüzitishini kütüwatimiz.»

«‹höriyet› géziti»,  «yawropa ittipaqi türkiyening ittipaqqa ezaliq musapisini qollaydighanliqini bildürdi» serlewhilik xewiride, töwendiki uchurlarni oqurmenlirining diqqitige sundi:

yawropa ittipaqi komitétining bayanatchisi margaritis sichinas, kündilik axbarat wastilirini xewerlendürüsh yighinida, anadolu agéntliqi muxbirining, «yawropa ittipaqi komitétining kéngiyish ishlirigha mesul ezasi johannés han türkiye bilen dawamlishiwatqan muzakirilerni axirlashturush lazimliqini éytti, bu, yawropa ittipaqining resmiy pozitsiyesini eks ettüremdu?»  teriqisidiki soaligha jawab bergende, mundaq dédi: «yawropa ittipaqi komitétining resmiy pozitsiyesi toghruluq peqet  bashliq yén klod yangkérla bayanat élan  qilalaydu, jümlidin yawropa ittipaqining resmiy nishani türkiye bilen bolghan ezaliq muzakirilirini dawamlashturushtur.»

«‹weten› géziti», «türkiye xelqara téléfon, télégraf we radiyo arqiliq alaqe qilish ittipaqigha eza bolidu» serlewhilik xewiride, töwendiki melumatlargha orun ajratti:

türkiye dubeyde ötküzülgen xelqara téléfon, télégraf we radiyo arqiliq alaqe qilish ittipaqi kéngishi saylamlirida 146 döletning qollap awaz bérishi bilen, eza bolush salahiyitige érishti.

tashqi ishlar ministirliqi teripidin bu heqte élan qilinghan yazma bayanatta, yer shari xaraktérlik sewiyede xewerlishish tori bilen xewerlishish mulazimitini maslashturush meqsitide birleshken döletler teshkilatigha qarashliq alahide organ bolghan xelqara téléfon, télégraf we radiyo arqiliq alaqe qilish ittipaqi kéngishi saylamlirining 2018 – yili 5 – noyabir küni deybeyde ötküzülgenliki tekitlinip mundaq déyildi: «saylamlarda türkiye 146 döletning qollap awaz bérishi bilen tunji qétim   xelqara téléfon, télégraf we radiyo arqiliq alaqe qilish ittipaqi kéngishige eza bolush salahiyitige érishti.»

«‹sabah› géziti», «türkiye hawa yolliri shirketliri yoluchilirining sani 10 ay ichide 183 milyongha yetti» serlewhilik xewiride, töwendiki melumatlarni oqurmenlirining diqqitige sundi:

 türkiye döletlik hawa yolliri meydanlirini bashqurush bash idarisining öktebir éyigha alaqidar istatiskiliq melumatlirigha qarighanda, bu mezgilde hawa yolliri shirketliri 182 milyon 709 ming 862 yoluchigha mulazimet qilghan, kelgen – ketken ayropilanlarning sani  ichki liniyelerde 75 ming 583 ke, tashqi liniyelerde 61 ming 332 ge yetken.



مۇناسىۋەتلىك خەۋەرلەر