01.11.2018
bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:
türkiye awazi radiyosi: «‹höriyet› géziti», «jumhur reis rejep tayyip erdoghan tarixiy milliy layihening ismini élan qildi» serlewhilik xewiride, töwendiki melumatlarni oqurmenlirining diqqitige sundi:
milliy téxnologiyeni tereqqiy qildurush ul eslihe qurulushliri échilish murasimi jumhur reis rejep tayyip erdoghanning ishtirak qilishida ishqa ashuruldi. jumhur reis erdoghan murasimida muhim bayanatlarni bérip mundaq dédi: «biz <siper> ismi bilen ishqa kirishtürgen milliy yiraq musapiliq rayonluq hawa mudapiesi bashqurulidighan bomba sistémilirining xeyrlik bolushigha tilekdashmen. hawa mudapiesi bashqurulidighan bomba sistémilirining armiyege 2021 – yili tapshurup bérilishi pilanlanmaqta.»
«‹yéngi shepeq› géziti», «<firat deryasi> ning sherqiy qismida 2 – qétimliq bombardimanda 4 térrorchi bir terep qilindi» serlewhilik xewiride, töwendiki uchurlarni oqurmenlirining diqqitige sundi:
türkiye qisimliri teripidin shanliurfadiki chégra liniyesidin süriyening «<eyn elereb> rayoni» gha shrapnél atidighan zembirekler arqiliq qilinghan hujumda, térrorluq teshkilati p y d/p k k térrorchiliridin 4 i bir terep qilindi, 6 si yarilandi.
igilinishiche, shrapnél atidighan zembirekler arqiliq qilinghan hujumlar, chégra liniyesining qarshi teripidiki aldin éniqlap chiqilghan térrorchilarning uwilirini bitchit qilish we bu yerlerdin élip bérilghan tajawuzchiliq heriketlirige qarshi qanunluq qoghdinish hoquqi dairiside ishqa ashurulghan.
«‹sabah› géziti», «tashqi sodigha alaqidar istatistikiliq melumatlar élan qilindi» serlewhilik xewiride, töwendiki melumatlargha orun ajratti:
türkiyening éksport miqdari séntebir éyida bulturning oxshash mezgilige sélishturghanda % 22.4 éship, 14 milyard 456 milyon dollargha yetti. bu mezgilde tashqi soda qizil reqimi % 77.1 aziyip, 1 milyard 869 milyon dollargha kémeydi.
türkiye istatistika orgini bilen soda ishliri ministirliqi teripidin élan qilinghan, séntebir éyigha we bu yilning bashliridin séntebirgiche bolghan tashqi sodigha munasiwetlik istatistikiliq doklatta eskertilishiche, éksportning importni kütüwélish nisbiti bultur séntebir éyida % 5.1 bolup, bu yil oxshash mezgilde % 88.5 ke yetken.
«‹xewer türk› géziti», «tarixiy seper ishqa ashti» serlewhilik xewiride, töwendiki melumatlarni oqurmenlirining diqqitige sundi:
istanbul ayrodurumida tunji tijaret uchushi türkiye hawa yolliri shirkitining istanbul – enqere sepiri bilen bashlandi. tünügün saet 11.33 de bashlanghan tunji qétimliq seper 12.19 da tamamlandi. « TK2124» nomurluq nöwetchi ayropilan saet 12.19 da enqere esenbogha ayrodurumigha qondi.
« Boeing 777» tipliq ayropilan bilen ishqa ashurulghan tunji qétimliq seper üchün qozghilish ruxsitini qatnash we ul eslihe qurulushliri ministiri jahit turhan berdi. tunji qétimliq seperde 349 kishi uchti.
türkiye hawa yolliri shirkitining bash diréktori bilal ekshi, seper harpisida bergen bayanatida, 2019 – yili 1 – yanwardin étibaren istanbul ayrodurumidin toluq mulazimet bérilishke bashlinidighanliqini éytti.
«‹star› géziti», «qatar türkiyedin hujum paraxoti sétiwélishqa teyyarlanmaqta» serlewhilik xewiride, töwendiki uchurlarni oqurmenlirining diqqitige sundi:
«besre qoltuqi» da radargha chüshmeydighan kichik tiptiki téz süretlik hujum paraxotlirini ishlitidighan déngiz qaraqchilirigha taqabil turushni pilanlawatqan qatar, türkiyedin hujum paraxoti élishqa teyyarlanmaqta.
igilinishiche, antalyada paaliyet élip baridighan (ARES) kémisazliq zawuti bilen alaqe ornatqan qatar ichki ishlar ministirliqi, saitige 65 déngiz mililiq musapigha yétip baralaydighan 6 dane « ARES 65 HARPOON » namliq mexsus hujum paraxoti sétiwélish niyiti barliqini bildürgen.
