18.09.2018

bügünki türkiye gézitliridin tallap teyyarlighan xewerlirimizning qisqiche mezmunliri töwendikiche:

18.09.2018

watan géziti «erdoghan bilen putin idlibte qorallardin xaliy rayon berpa qilish toghrisida kélishti»serlewhilik xewiride munu uchurlarni oqurmenlirining diqqitige teqdim qildi: «türkiye bilen rusiye süriyening idlib rayonida qorallardin xaliy rayon berpa qilish toghrisida kélishti.  kélishimde mundaq körsitildi: <türkiye bilen rusiye berpa qilinmaqchi bolghan qorallardin xaliy rayonning chégralirida birlikte charlash élip baridu. süriyelik öktichiler hazir turuwatqan yéride dawamliq qalidu, ashqun guruhlargha qarshi zerbe bérish heriketliri izchil élip bérilidu. rusiye idlibtiki toqunushtin xaliy rayongha hujum qozghalmasliqi üchün tégishlik tedbirlerni alidu>, shundaqla qilip türkiye bilen rusiye arisida imzalanghan kélishim bilen idlibte insaniy kirizisning aldi élindi.»

hürriyet géziti: «rusiye süriyening idlib rayonigha hujum qozghimaydu»serlewhilik xewiride munu uchurlarni oqurmenliri bilen ortaqlashti: «rusiye mudapie ministiri sérgéy shoygu süriyening idlib rayonigha herbiy heriket qozghalmaydighanliqini uqturdi. idlibning nöwettiki weziyiti üstide toxtalghan ministir shoygu: idlibke herbiy heriket qozghalmaydu, bu mesilige munasiwetlik melumatlar we qararlar pat yéqinda süriyege dairilirige yetküzülidu, dédi.»

sitar géziti: «adana taamliri xelqaraliq féstiwalda dunyagha tonushturulidu»serlewhilik xewiride munu uchurlargha orun ajratti: «12-öktebirdin 14-öktebirgiche adana taamliri féstiwali ötküzülidu, eneniwi taamlar körgezmige qoyulidighan féstiwalda 200din artuq yémek-ichmek türi tonushturulidu. bu qétimqi féstiwalgha dunyagha meshhur usta ashpezlermu teklip qilindi. medeniyet we sayahet ishliri ministirliqining qollishi arqisida ötküzülidighan féstiwal meshhur ashpez aléksandr diyonisiyoning eneniwi adana kawipini tonushturushi bilen bashlinidu. bu qétimqi féstiwal dairiside bashqa paaliyetlermu uyushturulidu.»

haber türk géziti «dunya boyiche eng temlik kocha taamliri tallandi, tizimlikte istanbulmu bar»serlewhilik xewiride munu uchurlarni oqurmenliri bilen ortaqlashti: «< CNN > téléwiziye qanili dunyada eng temlik kocha taamliri satidighan ashpezler bolghan jaylar we meshhur taamlarning tizimlikini bildürdi. hem bahasining muwapiq bolushi hemde bir döletni tonushturush jehette muhim rol oynaydighan kocha taamliri qatarigha istanbul kocha taamlirimu kirgüzüldi. simit, dürüm we lahmajun qatarliq taamlar türkiyening eng meshhur kocha taamliri qataridin orun aldi.qanalning bu heqtiki pirogrammisida <türk pizisi bolghan lahmajunning temini her yerde we her waqit tétighili bolidu. shundaqla türk mazhornisimu eng lezzetlik yémek-ichmek türidur> dégen jümliler bilen istanbulning kocha taamliri chüshendürüldi.»

yéngi shepeq géziti «< CNBC > téléwiziye qanilining riyasetchisining türkiye soaligha kütülmigen jawab keldi  »serlewhilik xewiride munu uchurlargha orun ajratti: «amérikidiki iqtisad téléwiziye qanili < CNBC > ning ziyaritini qobul qilghan  < BNP > paribas teshkiliy heyet bashliqi jén lémirré, riyasetchining türkiye iqtisadiy toghruluq sorighan selbiy soaligha kütülmigen bir jawabni berdi. < CNBC > riyasetchisining jén lémirrédin <türkiyedin chékinip chiqishni oylishiwatamsiz?>dégen soaligha, jén lémirré mundaq jawab berdi: <némishqa chékinip chiqimen>dep jawab berdi. ijtimaiy taratqularda élan qilinghan bu körünüshni nurghun adem ortaqlashti. »



مۇناسىۋەتلىك خەۋەرلەر