13.09.2018

bügünki türkiye gézitliride asasiy salmaqni igiligen xewerlirimizning qisqiche mezmunliri töwendikiche:

13.09.2018

türkiye awazi radiyosi: «hörriyet géziti», jumhur reis rejep tayyip erdoghanning türkiye lirasining qimmitini qoghdash permanining resmiy gézitte élan qilinghanliqini xewer qildi.

gézitning xewirige asaslanghanda, öy-zémin we köchme mülüklerni élip-sétish, ijarige bérish ishlirida türkiye lirasi qollinilidiken, chet el pullirini asas qilip tüzülgen kélshimler 30 kün ichide liragha almashturulidiken.

«weten géziti», qatar tashqi ishlar ministiri sheyx muhemmed bin abdurrahman bin jasim elsanining süriyening idlib rayonida yüz bériwatqan weqelerning kishini chongqur qayghugha salidighanliqini éytqanliqini xewer qildi.

xewerde, sheyx muhemmed bin abdurrahman bin jasim elsanining toqunushmasliq rayoni bolghan idlibni térrorluq unsurliridin tazilashni we puqralarning hayatini qoghdashni, türkiyege oxshash rayondiki ittipaqdashlar bilen hemkarlishish arqiliq emelge ashurghili bolidighanliqini eskertkenliki qeyt qilindi.

xewerde, sheyx muhemmed bin abdurrahman bin jasim elsanining beshshar esed hakimiyitining öz xelqige qirghinchiliq yürgüzmekchi bolghanliqidin peyda bolghan qayghusini ipadilep, dunyaning bu weziyetning aldini élish üchün yéterlik tirishchanliq körsetmigenlikini tekitligenliki bildürüldi.

«yéngi shepeq géziti», türkiyede tunji qétimliq rakéta musabiqisi ötküzülidighanliqini xewer qildi.

xewerde körsitilishiche, rakéta musabiqisi hazirghiche amérikada ötküzülüwatqan bolup, türkiyedikisi tunji qétimliqi bolidiken. musabiqige türkiyedin 157 komanda iltimas sunghan, tünügün besh komanda özliri layiheligen rakétani qoyup bergen. rakétalar 2800 métir yiraqliqqa muweppeqiyet bilen yétip barghan.

«star géziti», 20-23-séntebir künliri istanbul awiyatsiye, alem téxnikiliri féstiwalining ötküzülidighanliqini xewer qildi.

xewerde, féstiwalgha her qaysi döletlerdiki dunyagha dangliq kishilerning qatnishidighanliqi, 12 katégoriye boyiche mukapat tarqitilidighanliqi bildürüldi.


خەتكۈچ: yéngi shepeq , weten , star

مۇناسىۋەتلىك خەۋەرلەر