12.09.2018

bügünki türkiye gézitliride asasiy salmaqni igiligen xewerlirimizning qisqiche mezmunliri töwendikiche:

12.09.2018

türkiye awazi radiyosi: «star géziti», türkiye jumhur reislik sariyi bayanatchisi ibrahim kalinning jumhur reislik sariyida kabént yighini dawamlishiwatqan bir peytte, dunyagha idlibqa bolghan hujum éhtimalliqini toxtitishni chaqiriq qilghanliqini we mesilini siyasiy yol bilen hel qilish toghrisida pikir birliki hasil qilishni tekitligenlikini xewer qildi.

ibrahim kalin: «idlibqa hujum qilish siyasiy musapini tosup qoyidu, ishenchsizlikning peyda bolushigha yol achidu, yawropagha tesir körsitidighan köch dolqunigha seweb bolidu. gherb dunyasini, amérikani we rayondiki döletlerni idlibqa qilinidighan hujumni toxtitishqa chaqirimiz» dégen.

«xeber türk géziti», türkiye tashqi ishlar ministiri mewlüt chawushoghluning ruméniyede ötküzülgen türkiye-ruméniye-polsha tashqi ishlar ministirliri yighinidin kéyin ötküzülgen axbarat élan qilish yighinida, idlib toghrisida toxtalghanliqini xewer qildi.

xewerde, mewlüt chawushoghluning süriye weziyitining hemmige munasiwetlik ikenliki toghrisida oxshash pikirge ige döletler bilen mesilini hel qilish üchün tirishiwatqanliqlirini qeyt qilghanliqi bildürüldi.

xewerde, chawushoghluning idlibqa beshshar esed hakimiyiti we rusiyening hujumlirini dawamlashturuwatqanliqini eskertip: «teklipimiz nahayiti éniq, idlibtiki hujumlar toxtisun, térrorluq guruppilirini yoqitish üchün birlikte tirishchanliq körsiteyli» dégen.

«yéngi shepeq géziti», türkiye tashqi ishlar ministirliqi bayanatchisi hami aksoyning, washingtondiki «pelestin qutulush teshkilati» ning ishxanisining taqiwétilishi toghrisida bayanat élan qilghanliqini xewer qildi.

gézitning xewiride, bayanatchi hami aksoyning amérikaning qararigha: «amérikaning ottura sherq tinchliq musapiside bitereplikini yoqatqanliqining ispatidur» dégenliki bildürüldi.

xewerde, hami aksoyning türkiyening pelestin xelqining heqliq dewasini dawamliq qollaydighanliqini eskertkenliki qeyt qilindi.

«weten géziti», süriye chégrasidiki shanliurfaning jeylanpinar nahiyesidiki bir égizlikke 150 kiwadrat métir kélidighan türkiye bayriqining qadalghanliqini xewer qildi.

gézitning xewiride, jeylanpinar nahiyesining özbék mehellisi etrapidiki égizlikke bayraq qadash munasiwiti bilen murasim ötküzülgenliki؛ murasimgha, jeylanpinar bazarliq hökümetning bashliqi menderese atilla, adalet we tereqqiyat partiyesining nahiyelik shöbe bashliqi xalid shimshek, bazarliq hökümet mejlisining ezaliri we bashqa nurghun xelq ammisining qatnashqanliqi bildürüldi.

«sabah géziti», türkiyening özige xas alahidilik boyiche layiheligen «T625» tipliq tik ucharning, türkiye mudapie sanaiti we awiyatsiye sanaitining layihelesh we yasashta yétip kelgen nuqtini kishilerning köz aldida namayan qilghanliqini xewer qildi.

xewerde bildürülishiche, tik ucharning eng muhim nuqtisi bolghan motorini yasash axirlashqan we tunji qétimliq oq étish muweppeqiyet bilen emelge ashqan.


خەتكۈچ: star , weten , sabah

مۇناسىۋەتلىك خەۋەرلەر