12.09.2018

бүгүнки түркийә гезитлиридә асасий салмақни игилигән хәвәрлиримизниң қисқичә мәзмунлири төвәндикичә:

12.09.2018

түркийә авази радийоси: «стар гезити», түркийә җумһур рәислик сарийи байанатчиси ибраһим калинниң җумһур рәислик сарийида кабент йиғини давамлишиватқан бир пәйттә, дунйаға идлибқа болған һуҗум еһтималлиқини тохтитишни чақириқ қилғанлиқини вә мәсилини сийасий йол билән һәл қилиш тоғрисида пикир бирлики һасил қилишни тәкитлигәнликини хәвәр қилди.

ибраһим калин: «идлибқа һуҗум қилиш сийасий мусапини тосуп қойиду, ишәнчсизликниң пәйда болушиға йол ачиду, йавропаға тәсир көрситидиған көч долқуниға сәвәб болиду. ғәрб дунйасини, американи вә райондики дөләтләрни идлибқа қилинидиған һуҗумни тохтитишқа чақиримиз» дегән.

«хәбәр түрк гезити», түркийә ташқи ишлар министири мәвлүт чавушоғлуниң руменийәдә өткүзүлгән түркийә-руменийә-полша ташқи ишлар министирлири йиғинидин кейин өткүзүлгән ахбарат елан қилиш йиғинида, идлиб тоғрисида тохталғанлиқини хәвәр қилди.

хәвәрдә, мәвлүт чавушоғлуниң сүрийә вәзийитиниң һәммигә мунасивәтлик икәнлики тоғрисида охшаш пикиргә игә дөләтләр билән мәсилини һәл қилиш үчүн тиришиватқанлиқлирини қәйт қилғанлиқи билдүрүлди.

хәвәрдә, чавушоғлуниң идлибқа бәшшар әсәд һакимийити вә русийәниң һуҗумлирини давамлаштуруватқанлиқини әскәртип: «тәклипимиз наһайити ениқ, идлибтики һуҗумлар тохтисун, террорлуқ гуруппилирини йоқитиш үчүн бирликтә тиришчанлиқ көрситәйли» дегән.

«йеңи шәпәқ гезити», түркийә ташқи ишлар министирлиқи байанатчиси һами аксойниң, вашингтондики «пәләстин қутулуш тәшкилати» ниң ишханисиниң тақиветилиши тоғрисида байанат елан қилғанлиқини хәвәр қилди.

гезитниң хәвиридә, байанатчи һами аксойниң американиң қарариға: «американиң оттура шәрқ тинчлиқ мусаписидә битәрәпликини йоқатқанлиқиниң испатидур» дегәнлики билдүрүлди.

хәвәрдә, һами аксойниң түркийәниң пәләстин хәлқиниң һәқлиқ дәвасини давамлиқ қоллайдиғанлиқини әскәрткәнлики қәйт қилинди.

«вәтән гезити», сүрийә чеграсидики шанлиурфаниң җәйланпинар наһийәсидики бир егизликкә 150 кивадрат метир келидиған түркийә байриқиниң қадалғанлиқини хәвәр қилди.

гезитниң хәвиридә, җәйланпинар наһийәсиниң өзбек мәһәллиси әтрапидики егизликкә байрақ қадаш мунасивити билән мурасим өткүзүлгәнлики؛ мурасимға, җәйланпинар базарлиқ һөкүмәтниң башлиқи мәндәрәсә атилла, адаләт вә тәрәққийат партийәсиниң наһийәлик шөбә башлиқи халид шимшәк, базарлиқ һөкүмәт мәҗлисиниң әзалири вә башқа нурғун хәлқ аммисиниң қатнашқанлиқи билдүрүлди.

«сабаһ гезити», түркийәниң өзигә хас алаһидилик бойичә лайиһәлигән «T625» типлиқ тик учарниң, түркийә мудапиә санаити вә авийатсийә санаитиниң лайиһәләш вә йасашта йетип кәлгән нуқтини кишиләрниң көз алдида намайан қилғанлиқини хәвәр қилди.

хәвәрдә билдүрүлишичә, тик учарниң әң муһим нуқтиси болған моторини йасаш ахирлашқан вә тунҗи қетимлиқ оқ етиш мувәппәқийәт билән әмәлгә ашқан.


خەتكۈچ: стар , вәтән , сабаһ

مۇناسىۋەتلىك خەۋەرلەر