11.09.2018

bügünki türkiye gézitliridin tallap teyyarlighan xewerlirimizning qisqiche mezmunliri töwendikiche:

11.09.2018

watan géziti «tashqi ishlar ministirliqi girétsiyege naraziliq bildürdi»serlewhilik xewiride munu uchurlargha orun ajratti: «türkiye dairiliri girétsiye hökümitidin gherbiy tirakiya türkliri teripidin saylanghan türk muptisini étirap qilishini telep qildi. tashqi ishlar ministirliqi bayanatchisi hami aksoy: gherbiy tirakya türklirining endishiliridin xewirimiz bar. gherbiy tirakiya türkliri teripidin saylanghan muptini étirap qilmay kéliwatqan girétsiyedin bu selbiy pozitsiyesige xatime bérishini we gherbiy tirakiya türklirining arzu-teleplirining orundilishini telep  qilimiz, dédi.»

hürriyet géziti «ikkinchi charektiki iqtisadiy reqemler élan qilindi»serlewhilik xewiride munu uchurlarni oqurmenliri bilen ortaqlashti: «türkiye iqtisadiy bu yilning ikkinchi charikide %5.2 zoraydi. bu jehette iqtisadiy hemkarliq we tereqqiyat teshkilatigha eza döletlerdin éship ketken türkiye, yawropa ittipaqi döletliri arisida ikkinchi qatardin orun aldi. »

haber türk géziti «ministir albayrak türkiyening nöwettiki iqtisadiy ehwali üstide toxtaldi »serlewhilik xewiride munu uchurlargha orun ajratti: «xezine we maliye ishliri ministiri berak albayrak türkiye iqtisadida bu  yilning ikkinchi charikide körülgen ilgirilesh üstide toxtaldi, albayrak ikkinchi charek iqtisadiy reqemlerning iqtisadta muwazinet basquchining bashlighanliqini körsitip béridighanliqini bildürdi, ministir albayrak bu ehwalning üchinchi charektin bashlap ichki teleptiki astilashning roshenleshkenlikige isharet qilidighanliqini eskertip, eng muhim nishanning qizil reqem we pul paxalliqni tügitish ikenlikini bildürdi.»

yéngi shepeq géziti : «quruq üzüm éksportida rékort yaritildi»serlewhilik xewiride munu uchurlarni oqurmenliri bilen ortaqlashti: «türkiye 2017-2018 yillirida 279 ming 343 tonna quruq üzüm éksport qilip quruq üzüm saheside 453 milyon 498 ming dollar kirim qildi. quruq üzüm éksporti %8 ashti. quruq üzüm éksportida yiraq sherq döletlirining ülüshi %8din %11gha yetti.»

sitar géziti «halehöyükte 800 yilliq ahi makanliri tépildi»serlewhilik xewiride munu uchurlargha orun ajratti: «kirshehirning 5000 yilliq tarixi üstide élip bériliwatqan halenhöyük qézilma xizmetliride, eng konisi 800 yil burunqigha tewe selchuqiylar we osmanli dewirliride ishlitilgen ahi makanliri chiqirildi. rayonda 2009-yili bashlighan qézilma xizmetliri bir mehel toxtitip qoyuldi, 2012-yili qaytidin bashlighanidi.»


خەتكۈچ: iqtisad , girétsiye , türkiye

مۇناسىۋەتلىك خەۋەرلەر