11.09.2018

бүгүнки түркийә гезитлиридин таллап тәййарлиған хәвәрлиримизниң қисқичә мәзмунлири төвәндикичә:

11.09.2018

ватан гезити «ташқи ишлар министирлиқи гиретсийәгә наразилиқ билдүрди»сәрләвһилик хәвиридә муну учурларға орун аҗратти: «түркийә даирилири гиретсийә һөкүмитидин ғәрбий тиракийа түрклири тәрипидин сайланған түрк муптисини етирап қилишини тәләп қилди. ташқи ишлар министирлиқи байанатчиси һами аксой: ғәрбий тиракйа түрклириниң әндишилиридин хәвиримиз бар. ғәрбий тиракийа түрклири тәрипидин сайланған муптини етирап қилмай келиватқан гиретсийәдин бу сәлбий позитсийәсигә хатимә беришини вә ғәрбий тиракийа түрклириниң арзу-тәләплириниң орундилишини тәләп  қилимиз, деди.»

һүррийәт гезити «иккинчи чарәктики иқтисадий рәқәмләр елан қилинди»сәрләвһилик хәвиридә муну учурларни оқурмәнлири билән ортақлашти: «түркийә иқтисадий бу йилниң иккинчи чарикидә %5.2 зорайди. бу җәһәттә иқтисадий һәмкарлиқ вә тәрәққийат тәшкилатиға әза дөләтләрдин ешип кәткән түркийә, йавропа иттипақи дөләтлири арисида иккинчи қатардин орун алди. »

һабәр түрк гезити «министир албайрак түркийәниң нөвәттики иқтисадий әһвали үстидә тохталди »сәрләвһилик хәвиридә муну учурларға орун аҗратти: «хәзинә вә малийә ишлири министири бәрак албайрак түркийә иқтисадида бу  йилниң иккинчи чарикидә көрүлгән илгириләш үстидә тохталди, албайрак иккинчи чарәк иқтисадий рәқәмләрниң иқтисадта мувазинәт басқучиниң башлиғанлиқини көрситип беридиғанлиқини билдүрди, министир албайрак бу әһвалниң үчинчи чарәктин башлап ички тәләптики астилашниң рошәнләшкәнликигә ишарәт қилидиғанлиқини әскәртип, әң муһим нишанниң қизил рәқәм вә пул пахаллиқни түгитиш икәнликини билдүрди.»

йеңи шәпәқ гезити : «қуруқ үзүм експортида рекорт йаритилди»сәрләвһилик хәвиридә муну учурларни оқурмәнлири билән ортақлашти: «түркийә 2017-2018 йиллирида 279 миң 343 тонна қуруқ үзүм експорт қилип қуруқ үзүм саһәсидә 453 милйон 498 миң доллар кирим қилди. қуруқ үзүм експорти %8 ашти. қуруқ үзүм експортида йирақ шәрқ дөләтлириниң үлүши %8дин %11ға йәтти.»

ситар гезити «һаләһөйүктә 800 йиллиқ аһи маканлири тепилди»сәрләвһилик хәвиридә муну учурларға орун аҗратти: «киршәһирниң 5000 йиллиқ тарихи үстидә елип бериливатқан һаләнһөйүк қезилма хизмәтлиридә, әң кониси 800 йил бурунқиға тәвә сәлчуқийлар вә османли дәвирлиридә ишлитилгән аһи маканлири чиқирилди. районда 2009-йили башлиған қезилма хизмәтлири бир мәһәл тохтитип қойулди, 2012-йили қайтидин башлиғаниди.»



مۇناسىۋەتلىك خەۋەرلەر