10.09.2018

bügünki türkiye gézitliridin tallap teyyarlighan xewerlirimizning qisqiche mezmunliri töwendikiche:

10.09.2018

türkiye awazi radiyosi: «<hörriyet> géziti», «aqdamar chérkawida aridin 3 yil ötkendin kéyin diniy murasim ötküzüldi» serlewhilik xewiride töwendiki uchurlarni oqurmenliri bilen ortaqlashti: wanning gewash nahiyesidiki aral bilen isimdash tarixiy aqdamar chérkawida 3 yildin buyan ötküzülmigen diniy murasim, bu yil ötküzüldi. medeniyet we sayahet ishliri ministiri mehmet ersoymu yéqindin köngül bölgen murasimgha türkiye ermenliri patrégi omumiy wekili bash épiskop aram ateshyan we hemraliqidiki épiskopos sahak mashalyan, patrik omumiy wekil yardemchisi rahip maghakya beksiziyan riyasetchilik qildi. murasimgha türkiye we chet ellerdin bolup yüzlerche kishi ishtirak qildi.

«<sabah> géziti», «emine erdoghangha insaniy xizmet teqdirlesh mukapati (bérildi)» serlewhilik xewiride töwendiki uchurlarni oqurmenliri bilen ortaqlashti:  jumhur reis rejep tayyip erdoghanning repiqisi emine erdoghan, birmada yüz bergen insanliq tiragédiyesi qatarliq xelqara jemiyetning diqqitini tartiwatqan tirishchanliqliri we zulumgha uchrighuchilargha shundaqla mohtajlargha qarita qilghan xeyr – saxawet türidiki paaliyetliri üchün «dunya saxawetchiler munbiri» teripidin «insaniy xizmet teqdirlesh mukapati» gha layiq körüldi. mukapat emine erdoghangha 11 – séntebirde londonda ötküzülidighan murasimda teqdim qilinidu.

«<xabertürk> géziti», «antalyagha hawadin 9 milyon 600 ming chet ellik ziyaretchi (keldi)» serlewhilik xewiride töwendiki uchurlarni oqurmenliri bilen ortaqlashti: antalya wilayetlik medeniyet we sayahetchilik ishliri mudirliqi, antalyagha hawa yoli bilen kelgen chet ellik ziyaretchilerning sanini élan qildi. sayahetchilikte bu yil tarixiy rékort yaritishqa teyyarliniwatqan antalyagha kelgen sayahetchi sani 9 milyon 666 ming 859 gha yetti.

«<weten> géziti», «xitaylar türkiyege quruq üzüm üchün keldi» serlewhilik xewiride töwendiki uchurlarni oqurmenliri bilen ortaqlashti: xitaylarning amérika qoshma ishtatliridin import qiliwatqan quruq üzümni türkiyedin sétiwélishni qarar qilishidin kéyin türkiyege kelgen xitay heyiti, türkiyening eng chong quruq üzüm éksportchilirining biri hésablinidighan tarish entegre merkizini ékskursiye qildi. merkezni yaqturghanliqlirini bildürgen xitay heyiti, türk emeldarlargha köngül bölgenliki üchün rehmet éytti.

«<star> géziti», «tarixiy qebre yötkilidu» serlewhilik xewiride töwendiki uchurlarni oqurmenliri bilen ortaqlashti: batmanning tarixiy hasankeyf nahiyesidiki qurulushi dawamlishiwatqan illiq su ambiri yüzisidin su astida qalidighan yadikarliqlarni qutuldurush xizmetliri dairiside, 800 tonna éghirliqtiki imam abdullah qebrisi bügün yéngi ornigha yötkilidu.


خەتكۈچ: uyghurche , gézit , metbuat , türkiye

مۇناسىۋەتلىك خەۋەرلەر