10.09.2018

бүгүнки түркийә гезитлиридин таллап тәййарлиған хәвәрлиримизниң қисқичә мәзмунлири төвәндикичә:

10.09.2018

түркийә авази радийоси: «<һөррийәт> гезити», «ақдамар черкавида аридин 3 йил өткәндин кейин диний мурасим өткүзүлди» сәрләвһилик хәвиридә төвәндики учурларни оқурмәнлири билән ортақлашти: ванниң гәваш наһийәсидики арал билән исимдаш тарихий ақдамар черкавида 3 йилдин буйан өткүзүлмигән диний мурасим, бу йил өткүзүлди. мәдәнийәт вә сайаһәт ишлири министири мәһмәт әрсойму йеқиндин көңүл бөлгән мурасимға түркийә әрмәнлири патреги омумий вәкили баш епископ арам атәшйан вә һәмралиқидики епископос саһак машалйан, патрик омумий вәкил йардәмчиси раһип мағакйа бәксизийан рийасәтчилик қилди. мурасимға түркийә вә чәт әлләрдин болуп йүзләрчә киши иштирак қилди.

«<сабаһ> гезити», «әминә әрдоғанға инсаний хизмәт тәқдирләш мукапати (берилди)» сәрләвһилик хәвиридә төвәндики учурларни оқурмәнлири билән ортақлашти:  җумһур рәис рәҗәп таййип әрдоғанниң рәпиқиси әминә әрдоған, бирмада йүз бәргән инсанлиқ тирагедийәси қатарлиқ хәлқара җәмийәтниң диққитини тартиватқан тиришчанлиқлири вә зулумға учриғучиларға шундақла моһтаҗларға қарита қилған хәйр – сахавәт түридики паалийәтлири үчүн «дунйа сахавәтчиләр мунбири» тәрипидин «инсаний хизмәт тәқдирләш мукапати» ға лайиқ көрүлди. мукапат әминә әрдоғанға 11 – сентәбирдә лондонда өткүзүлидиған мурасимда тәқдим қилиниду.

«<хабәртүрк> гезити», «анталйаға һавадин 9 милйон 600 миң чәт әллик зийарәтчи (кәлди)» сәрләвһилик хәвиридә төвәндики учурларни оқурмәнлири билән ортақлашти: анталйа вилайәтлик мәдәнийәт вә сайаһәтчилик ишлири мудирлиқи, анталйаға һава йоли билән кәлгән чәт әллик зийарәтчиләрниң санини елан қилди. сайаһәтчиликтә бу йил тарихий рекорт йаритишқа тәййарлиниватқан анталйаға кәлгән сайаһәтчи сани 9 милйон 666 миң 859 ға йәтти.

«<вәтән> гезити», «хитайлар түркийәгә қуруқ үзүм үчүн кәлди» сәрләвһилик хәвиридә төвәндики учурларни оқурмәнлири билән ортақлашти: хитайларниң америка қошма иштатлиридин импорт қиливатқан қуруқ үзүмни түркийәдин сетивелишни қарар қилишидин кейин түркийәгә кәлгән хитай һәйити, түркийәниң әң чоң қуруқ үзүм експортчилириниң бири һесаблинидиған тариш әнтәгрә мәркизини екскурсийә қилди. мәркәзни йақтурғанлиқлирини билдүргән хитай һәйити, түрк әмәлдарларға көңүл бөлгәнлики үчүн рәһмәт ейтти.

«<стар> гезити», «тарихий қәбрә йөткилиду» сәрләвһилик хәвиридә төвәндики учурларни оқурмәнлири билән ортақлашти: батманниң тарихий һасанкәйф наһийәсидики қурулуши давамлишиватқан иллиқ су амбири йүзисидин су астида қалидиған йадикарлиқларни қутулдуруш хизмәтлири даирисидә, 800 тонна еғирлиқтики имам абдуллаһ қәбриси бүгүн йеңи орниға йөткилиду.



مۇناسىۋەتلىك خەۋەرلەر