05.09.2018

bügünki türkiye gézitliride asasiy salmaqni igiligen xewerlirimizning muhim qisqiche mezmunliri töwendikiche:

1043458
05.09.2018

türkiye awazi radiyosi: «hörriyet géziti», jumhur reis rejep tayyip erdoghanning qirghizistandin qaytish sepiride, muxbirlargha muhim bayanatlarni bergenlikini xewer qildi.

gézitning xewiride, jumhur reis rejep tayyip erdoghanning süriyening idlib rayonida herbiy heriket élip bérish mesiliside: «idlibke bashqurulidighan bomba yaghsa, u yerde qirghinchiliq yüz bérishi mumkin» dep agahlandurghanliqi bildürüldi.

rejep tayyip erdoghan mundaq dégen: «idlibke qarita nahayiti rehimsiz musape bashliniwatidu. u yerde 3.5 milyon kishi bar, bir balayi-apet yüz berse, bu kishilerning qachalaydighan jayi yene türkiye bolidu» dégen.

«yéngi shepeq géziti», iraq chégrasida térroristlar teripidin «kirgili bolmaydu» dep atalghan ikki yaqa taghlirida herbiy heriketlirini izchil dawamlashturuwatqan türkiye xewpsizlik qisimlirining, üch heptide 16 térroristni bir terep qilghanliqini xewer qildi.

xewerde, türkiye alahide qisimlirining bölgünchi térrorluq teshkilati p k k ning rayondiki shaykilirigha qattiq zerbe bergenliki qeyt qilindi.

«star géziti», girétsiyening ikki eskirining türkiye chégrasidin qanunsiz ötkenlikini étirap qilghanliqini xewer qildi.

girétsiye taratquliridiki xewerlerge asaslanghanda, edirnede 5 yérim ay tutup turuluwatqan ikki girétsiye eskiri soraq qilinghanda, türkiye terepke qanunsiz halda ötkenlikini étirap qilghan.

«sabah géziti», türkiye mudapie sanaitining aldinqi qatarida turidighan aselsan- herbiy éléktironluq sanaiti (ASELSAN) ning, shimaliy qibris türk jumhuriyitide tetqiqat we sinaq merkizi quridighanliqini xewer qildi.

xewerde, 1974-yildiki qibris tinchliq herikiti netijiside , türkiyege qarshi yürgüzülgen émbargo seweblik yerlik qoral-yaragh ishlepchiqirish sanaitini tereqqiy qildurush meqsitide qurulghan aselsan wexpining, qibrisqa bolghan wapa burchini ada qilghanliqi eskertildi.

«weten géziti», dénizlining aq jenniti dep atalghan pamukqelede miladdidin burunqi 60-yilda yer tewresh netijiside peyda bolghan we misir xanishi kléyopatraningmu yuyunghanliqi riwayet qilinidighan kléyopatra kölchikining, sayahetchilerni özige jelp qiliwatqanliqini xewer qildi.

xewerde, qoynidiki tarixiy yadikarliqlar arisida su üzgen sayahetchilerning, issiq we shipaliq ikenliki ilgiri sürülüwatqan suda keyip sürüwatqanliqi qeyt qilndi.


خەتكۈچ: #sabah , #star , #weten

مۇناسىۋەتلىك خەۋەرلەر