04.09.2018

bügünki türkiye gézitliridin tallap teyyarlighan xewerlirimizning qisqiche mezmunliri töwendikiche:

04.09.2018

yéngi shepeq géziti «téxno- féstiwal istanbul üchün tetür sanash bashlidi»serlewhilik xewiride munu uchurlarni oqurmenliri bilen ortaqlashti: « téxno- féstiwal istanbul <milliy téxnologiye istiratégiyesi>dairiside 20-séntebirdin 23-séntebirgiche bolghan ariliqta dunya boyiche eng chong ayrodurum hésablinidighan istanbul yéngi ayrodurumida ötküzülidu. türkiyening tunji awiatsiyechilik, alem we téxnologiye féstiwali bolghan téxno- féstiwal istanbulda türkiye tarixida eng yuqiri mukapatliq téxnologiye musabiqisidin sirt awiatsiyechilik paaliyetliri, ilmiy léksiyeler, xelqara igilik bashqurush yighinliri we paaliyetliri ötküzülidu.»

haber türk géziti «türk yük shirkiti 85 rayongha mulazimet qilidu» serlewhilik xewiride munu uchurlargha orun ajratti: «hawachiliq tiransport yük saheside dunya boyiche téz sürette tereqqiy qilghan hawa yük shirkiti bolghan türk yük shirkiti, mulazimet dairisige riwandaning paytexti kigali we omanning paytexti mesqatnimu qoshti. shundaq qilip türk yük shirkiti mulazimet qilidighan rayon sani 85ge yetti.»

sitar géziti «türkiye bilen rusiye yéza-igilik saheside kélishim imzalaydu»serlewhilik xewiride munu uchurlarni oqurmenlirining diqqitige teqdim qildi: «türkiye bilen rusiye ete <5-séntebir> istanbul xelqara yermenke zalida ötküzülidighan soda munbiride yéza-igilik saheside kélishim imzalaydu. <yémek-ichmek istanbul>namliq yermenkidin kéyin, tashqi iqtisadiy alaqe komitéti teripidin teshkillengen türkiye-rusiye soda kéngishi dairiside yighin chaqirilidu, bu yighingha toqumuchiliq, polat-tömür, ashliq, yéza-igilik mehsulatliri, aile saymanliri sahesidiki türk we rus karxanchilar ishtirak qilidu. yighindin kéyin ikki dölet karxanchiliri yéza-igilik saheside kélishim imzalaydu.»

sabah géziti «sayahetchiler pamukkalege seldek aqmaqta»serlewhilik xewiride munu uchurlarni oqurmenliri bilen ortaqlashti: «déngizli wilayitining aq <jennet>dep atilidighan pamukkale rayonida miladi 60-yillarda yer tewresh netijiside shekillinip misir xanishi kilopatraning yuyunghanliqi riwayet qilinghan kilopatra kölchikige sayahetchiler seldek aqmaqta. qedimiy köldiki tarixiy yadiklarliqlar ichide su üzgen sayahetchiler issiq we shipaliq ikenliki ilgiri sürülgen sudin zoq almaqta. <kilopatraning güzellik kölchiki> dep teriplinidighan qedimiiy kölchekke yerlik we chet ellik sayahetchiler bilen shipa izidigüchilermu kélidu. riwayet qilinishiche, heziriti meryem efeske mangghanda biaram bolghan közini pamukkalediki su bilen yughanda saqayghan iken.»

hürriyet géziti «dangliq kino artisi wan dan türkiyeni maxtidi»serlewhilik xewiride munu uchurlargha orun ajratti: «bir mukapat tarqitip bérish paaliyitige bahalighuchi süpitide qatnishish üchün antaliyege kelgen dangliq kino artisi wan dan, türkiye tesiratlirini ortaqlashti. <türkler nahayiti semmiy we xush piil iken>dégen wan dan türk taamliri üstide alahide toxtilip mundaq dédi:< türk taamliri heqiqeten lezzetlik iken, bu qétim nurghun taamlarni tétish pursitige érishtim, bu taamlar bir-biridin temlik iken. manga eng tétighini tas kawapi boldi.> wan dan yene türkiyening toqumchiliq sahesige meblegh sélishni pilanliwatqanliqini bildürdi.»


خەتكۈچ: meryem , pamukkale , türkiye

مۇناسىۋەتلىك خەۋەرلەر