29.08.2018

bügünki türkiye gézitliride asasiy salmaqni igiligen xewerlirimizning qisqiche mezmunliri töwendikiche:

29.08.2018

türkiye awazi radiyosi: «sabah géziti», türkiye herbiy uchquchisining amérikadiki telim-terbiye dairiside, «F-35 » ayropilanida tunji uchushini emelge ashurghanliqini xewer qildi.

gézitning xewiride körsitilishiche, tapshuruwélinghan F-35 ayropilani türkiye hawa armiyesige seplengen tunji 5-ewlad urush ayropilani bolush alahidilikige ige bolidiken. türkiye radarda körünmeydighan, signallarni tosalaydighan yuqiri téxnikilargha ige radar sistémisi bilen, hawa armiyesining heriketliride yuqiri üstünlükni kapaletke ige qilidighan F-35 ayropilanidin qedemmu qedem 100 dane sétiwélishni pilan qilmaqta iken.

«xeber türk géziti», türkiye jumhuriyiti merkez bankasi 2018-yilning iyul éyigha munasiwetlik tashqi péréwot zapisi we tashqi péréwot obroti heqqide melumat élan qilghanliqini xewer qildi.

buninggha asaslanghanda, tashqi péréwot zapisi 2018-yilining iyun éyigha sélishturghanda %2.4 éship, 100.7 milyard dollargha yetken.

«yéngi shepeq géziti», merkiziy amérikagha jaylashqan «néyubérgér bérman fond shirkiti» ning, türkiye bankalirining dollardin bolghan zayomlirini qoghdashni qarar qilghanliqini xewer qildi.

gézitning xewiride, péshqedem fond bashqurghuchisi éiwék bommining: «türkiyege meblegh salghan chong organlar we bankalarning weziyiti nahayiti yaxshi. türkiyede téximu köp meblegh sélishqa paydiliq imkaniyetler peyda bolushi mumkin» dégenliki eskertildi.

«weten géziti», teyyar kiyim-kéchek sanaitining türkiyeni «élim-sétim jenniti» ge aylandurush yolida puxta qedemler  bilen ilgirilewatqanliqini xewert qildi.

xewerde bildürülishiche, teyyar kiyim-kéchek sanaiti wekilliri türkiyening, bolupmu ottura sherq we yiraq sherqning «élim-sétim jenniti» bazisigha aylinidighanliqini bildürgen we teleplerge qarita kiyim-kéchek nusxilirini özgertishke bashlighan. chet elliklerning sodiliq üchün türkiyege kélishke bashlighanliqini körgen teyyar kiyim-kéchek xojayinliri yéngi pesillik nusxilirini chet elliklerge qarita teyyarlighan.

chet elliklerning türkiyege déngiz we aptapqa qaqlinish üchünla  kelmeydighanliqini, belki sodiliq üchünmu kélidighanliqini eskertken kiyim-kéchek xojayinliri, türkiyening, bolupmu ottura sherq we yiraq sherqning «élim-sétim» bazisigha aylinidighanliqi toghrisida oxshash qarashqa ige iken.

«star géziti», türkiyening eng chong alem tetqiqati layiheliri ichidin orun alghan «sherqiy anadolu resetxanisi» ni xizmetke kirishtürüsh üchün tetür sanashning bashlanghanliqini xewer qildi.

xewerde, erzurumda déngiz yüzidin 3170 métir égiz bolghan égizlikke sélinghan sherqiy anadolu resetxanisigha, bashqa téléskoplarda bolmighan alahidiliklerge ige téléskopning ornitilidighanliqi bildürüldi.

xewerde, dunyada eng ilghar téléskopi bar üch resetxanadin biri bolidighan sherqiy anadolu resetxanisining 2020-yili xizmetke kirishtü rülidighanliqi eskertildi.

xewerde yene, resetxanining xizmetke kirishtürülishi bilen, dunyada aldinqi qatarda turidighan astrofizika we alem tetqiqatchilirining erzurumgha köplep kélidighanliqi qeyt qilindi.


خەتكۈچ: weten , star

مۇناسىۋەتلىك خەۋەرلەر