29.08.2018

бүгүнки түркийә гезитлиридә асасий салмақни игилигән хәвәрлиримизниң қисқичә мәзмунлири төвәндикичә:

29.08.2018

түркийә авази радийоси: «сабаһ гезити», түркийә һәрбий учқучисиниң америкадики тәлим-тәрбийә даирисидә, «F-35 » айропиланида тунҗи учушини әмәлгә ашурғанлиқини хәвәр қилди.

гезитниң хәвиридә көрситилишичә, тапшурувелинған F-35 айропилани түркийә һава армийәсигә сәпләнгән тунҗи 5-әвлад уруш айропилани болуш алаһидиликигә игә болидикән. түркийә радарда көрүнмәйдиған, сигналларни тосалайдиған йуқири техникиларға игә радар системиси билән, һава армийәсиниң һәрикәтлиридә йуқири үстүнлүкни капаләткә игә қилидиған F-35 айропиланидин қәдәмму қәдәм 100 данә сетивелишни пилан қилмақта икән.

«хәбәр түрк гезити», түркийә җумһурийити мәркәз банкаси 2018-йилниң ийул ейиға мунасивәтлик ташқи перевот записи вә ташқи перевот оброти һәққидә мәлумат елан қилғанлиқини хәвәр қилди.

буниңға асасланғанда, ташқи перевот записи 2018-йилиниң ийун ейиға селиштурғанда %2.4 ешип, 100.7 милйард долларға йәткән.

«йеңи шәпәқ гезити», мәркизий америкаға җайлашқан «нейубергер берман фонд ширкити» ниң, түркийә банкалириниң доллардин болған зайомлирини қоғдашни қарар қилғанлиқини хәвәр қилди.

гезитниң хәвиридә, пешқәдәм фонд башқурғучиси еивек бомминиң: «түркийәгә мәбләғ салған чоң органлар вә банкаларниң вәзийити наһайити йахши. түркийәдә техиму көп мәбләғ селишқа пайдилиқ имканийәтләр пәйда болуши мумкин» дегәнлики әскәртилди.

«вәтән гезити», тәййар кийим-кечәк санаитиниң түркийәни «елим-сетим җәннити» гә айландуруш йолида пухта қәдәмләр  билән илгириләватқанлиқини хәвәрт қилди.

хәвәрдә билдүрүлишичә, тәййар кийим-кечәк санаити вәкиллири түркийәниң, болупму оттура шәрқ вә йирақ шәрқниң «елим-сетим җәннити» базисиға айлинидиғанлиқини билдүргән вә тәләпләргә қарита кийим-кечәк нусхилирини өзгәртишкә башлиған. чәт әлликләрниң содилиқ үчүн түркийәгә келишкә башлиғанлиқини көргән тәййар кийим-кечәк хоҗайинлири йеңи пәсиллик нусхилирини чәт әлликләргә қарита тәййарлиған.

чәт әлликләрниң түркийәгә деңиз вә аптапқа қақлиниш үчүнла  кәлмәйдиғанлиқини, бәлки содилиқ үчүнму келидиғанлиқини әскәрткән кийим-кечәк хоҗайинлири, түркийәниң, болупму оттура шәрқ вә йирақ шәрқниң «елим-сетим» базисиға айлинидиғанлиқи тоғрисида охшаш қарашқа игә икән.

«стар гезити», түркийәниң әң чоң аләм тәтқиқати лайиһәлири ичидин орун алған «шәрқий анадолу рәсәтханиси» ни хизмәткә кириштүрүш үчүн тәтүр санашниң башланғанлиқини хәвәр қилди.

хәвәрдә, әрзурумда деңиз йүзидин 3170 метир егиз болған егизликкә селинған шәрқий анадолу рәсәтханисиға, башқа телескопларда болмиған алаһидиликләргә игә телескопниң орнитилидиғанлиқи билдүрүлди.

хәвәрдә, дунйада әң илғар телескопи бар үч рәсәтханадин бири болидиған шәрқий анадолу рәсәтханисиниң 2020-йили хизмәткә кириштү рүлидиғанлиқи әскәртилди.

хәвәрдә йәнә, рәсәтханиниң хизмәткә кириштүрүлиши билән, дунйада алдинқи қатарда туридиған астрофизика вә аләм тәтқиқатчилириниң әрзурумға көпләп келидиғанлиқи қәйт қилинди.


خەتكۈچ: вәтән , стар

مۇناسىۋەتلىك خەۋەرلەر