28.08.2018

bügünki türkiye gézitliride asasiy salmaqni igiligen xewerlirimizning qisqiche mezmunliri töwendikiche:

28.08.2018

türkiye awazi radiyosi: «yéngi shepeq géziti», türkiye maliye ministiri berat albayrakning resmiy dölet ishliri ziyariti qilish üchün firansiyege yétip barghanliqini xewer qildi.

gézitning xewiride, maliye ministiri berat albayrakning firansiye pul-muamile ministiri bruno lé méyre bilen körüshüp, ortaq axbarat élan qilish yighini ötküzgenliki bildürüldi.

xewerde, berat albayrakning axbarat élan qilish yighinida, amérikaning soda émbargosi üstide toxtilip, türkiye bilen firansiyening ortaq heriket qilidighanliqini, dollarning dunya sodisida ishenchlik pul birliki bolush alahidilikini yoqatqanliqini éytqanliqi bildürüldi.

«sabah géziti», xitayning sumrugh téléwiziyesining türkiye mudapie sanaitining iqtisadqa qoshqan töhpisi toghrisida xewer tarqatqanliqini élan qildi.

xewerde, sumrugh téléwiziyesining xewiride: «türkiyening mudapie sanaiti éksportining xelqaraliq bazarlarda keng omumlashti, belkim bu, türkiyening iqtisadiy tereqqiyati üchün ichki qisimda janlandurghuchi amil bolushi mumkin. amérika türkiyeni iqtisadiy jehettin qisquchqa élishqa urunsimu, türkiyening, bolupmu  mudapie sanaitidiki iqtisadiy tirishchanliqlar kishining közini qamashturidu. mudapie sanaitidiki éksport süritining barghanséri éshishi we muweppeqiyet bilen ishlepchiqirilghan mehsulatlarning künséri bazarlarda keng omumlishishi, bu nuqtini ispatlaydu» déyilgenliki qeyt qilindi.

«star géziti», amérikaliq iqtisadshunas jon pérkinsning: «türkiyege oxshash tereqqiy qilghan iqtisadlarni nishangha alghan pul-muamile yallanmilirining barliqidin héchqandaq shübhilenmeymen» dégenlikini xewer qildi.

jon pérkinsyéqinqi künlerde amérikaning türkiyege iqtisadiy jehettin bésim qilishqa urunuwatqanliqi toghrisida: «türkiyege jelqara pul fondi teshkilatidin yiraq turushni tewsiye qilimen» dégen.

«xeber türk géziti», firansiyening sabiq pirézidénti nikolas sarkozi bilen ayali karla brunining yazliq dem élish üchün bodrumgha kelgenlikini xewer qildi.

«weten géziti», döletler we sheherler heqqide uchur béridighan intérnét tor béti nambéyo (Numbeo) ning, sheherlerning sehiye indékslirini élan qilghanliqini xewer qildi.

xewerde qeyt qilinishiche, türkiyening istanbul, enqere, bursa we izmir qatarliq sheherliri tizimlikke kirgen.

sheher indéksliri, sheherlerdiki kökertilgen qaylar, tenterbiye eslihelirining süpiti, hawa we su süpiti, otturiche ömür körüsh nisbiti, kishilerdiki sémizlik nisbiti, xizmet we xususiy turmush tengpungluqi qatarliq oxshimighan 10 nuqta boyiche tekshürüp bahalinidiken.


خەتكۈچ: weten , star

مۇناسىۋەتلىك خەۋەرلەر