28.08.2018

бүгүнки түркийә гезитлиридә асасий салмақни игилигән хәвәрлиримизниң қисқичә мәзмунлири төвәндикичә:

28.08.2018

түркийә авази радийоси: «йеңи шәпәқ гезити», түркийә малийә министири бәрат албайракниң рәсмий дөләт ишлири зийарити қилиш үчүн фирансийәгә йетип барғанлиқини хәвәр қилди.

гезитниң хәвиридә, малийә министири бәрат албайракниң фирансийә пул-муамилә министири бруно ле мейрә билән көрүшүп, ортақ ахбарат елан қилиш йиғини өткүзгәнлики билдүрүлди.

хәвәрдә, бәрат албайракниң ахбарат елан қилиш йиғинида, американиң сода ембаргоси үстидә тохтилип, түркийә билән фирансийәниң ортақ һәрикәт қилидиғанлиқини, долларниң дунйа содисида ишәнчлик пул бирлики болуш алаһидиликини йоқатқанлиқини ейтқанлиқи билдүрүлди.

«сабаһ гезити», хитайниң сумруғ телевизийәсиниң түркийә мудапиә санаитиниң иқтисадқа қошқан төһписи тоғрисида хәвәр тарқатқанлиқини елан қилди.

хәвәрдә, сумруғ телевизийәсиниң хәвиридә: «түркийәниң мудапиә санаити експортиниң хәлқаралиқ базарларда кәң омумлашти, бәлким бу, түркийәниң иқтисадий тәрәққийати үчүн ички қисимда җанландурғучи амил болуши мумкин. америка түркийәни иқтисадий җәһәттин қисқучқа елишқа урунсиму, түркийәниң, болупму  мудапиә санаитидики иқтисадий тиришчанлиқлар кишиниң көзини қамаштуриду. мудапиә санаитидики експорт сүритиниң барғансери ешиши вә мувәппәқийәт билән ишләпчиқирилған мәһсулатларниң күнсери базарларда кәң омумлишиши, бу нуқтини испатлайду» дейилгәнлики қәйт қилинди.

«стар гезити», америкалиқ иқтисадшунас җон перкинсниң: «түркийәгә охшаш тәрәққий қилған иқтисадларни нишанға алған пул-муамилә йалланмилириниң барлиқидин һечқандақ шүбһиләнмәймән» дегәнликини хәвәр қилди.

җон перкинсйеқинқи күнләрдә американиң түркийәгә иқтисадий җәһәттин бесим қилишқа урунуватқанлиқи тоғрисида: «түркийәгә җәлқара пул фонди тәшкилатидин йирақ турушни тәвсийә қилимән» дегән.

«хәбәр түрк гезити», фирансийәниң сабиқ пирезиденти николас саркози билән айали карла бруниниң йазлиқ дәм елиш үчүн бодрумға кәлгәнликини хәвәр қилди.

«вәтән гезити», дөләтләр вә шәһәрләр һәққидә учур беридиған интернет тор бети намбейо (Numbeo) ниң, шәһәрләрниң сәһийә индекслирини елан қилғанлиқини хәвәр қилди.

хәвәрдә қәйт қилинишичә, түркийәниң истанбул, әнқәрә, бурса вә измир қатарлиқ шәһәрлири тизимликкә киргән.

шәһәр индекслири, шәһәрләрдики көкәртилгән қайлар, тәнтәрбийә әслиһәлириниң сүпити, һава вә су сүпити, оттуричә өмүр көрүш нисбити, кишиләрдики семизлик нисбити, хизмәт вә хусусий турмуш тәңпуңлуқи қатарлиқ охшимиған 10 нуқта бойичә тәкшүрүп баһалинидикән.


خەتكۈچ: вәтән , стар

مۇناسىۋەتلىك خەۋەرلەر