27.08.2018

bügünki türkiye gézitliridin tallap teyyarlighan xewerlirimizning qisqiche mezmunliri töwendikiche:

27.08.2018

türkiye awazi radiyosi xewiri: «<yéngi shepeq> géziti», «jumhur reislik sariyi zeper heptisi munasiwiti bilen bir widéo tarqatti» serlewhilik xewiride töwendiki uchurlarni oqurmenliri bilen ortaqlashti: jumhur reislik sariyi, malazgirt zepirining 947 yilliqi munasiwiti bilen resmiy intérnét sehipisi arqiliq bir widéo tarqatti. malazgirtta türklerning anadolugha kirishini simwolluq eks ettürüp bergen mubarek qedemning tashlinish hékayisi téma qilinghan widéo, «zeper heptisi munasiwiti bilen pütkül shéhitlirimizni hörmet we rehmet bilen, ghazilirimizni minnetdarliq tuyghusi bilen xatirileymiz» dégen qoshumche uchur bilen birlikte tarqitildi. widéo qisqa waqit ichide körülüsh rékorti yaratti.

«<weten> géziti», «gérmaniyelik yuqiri derijilik emeldar, (shirket) xojayiliri we meblegh salghuchilarni türkiyege chaqirdi» serlewhilik xewiride töwendiki uchurlarni oqurmenliri bilen ortaqlashti: san éksprés hawa yoli shirkitining yoqiri derijilik emeldari jéns bischof, «meblegh salghuchilargha meblegh sélish qararlirini üstel béshidiki tekshürüshlerge asasen chiqarmasliqini tewsiye qilimen. bu yerge (türkiyege) kélinglar, bu döletni, muhitini, üstqurulmisini körünglar» dédi. türkiye sayahetchilik sahesi we jelipkarliqida zor derijide ilgirilesh bolghanliqini körgenlikini eskertken bischof, «bolupmu yawropaliq sayahetchilerning neziridin qarighinimizda qaytidin nahayiti küchlük körünüwatidu. ötken yili türkiyediki sayahet merkezliri we anadolugha jemiy 8 milyon 800 ming yoluchi yötkiduq. orunduqlarning tolush nisbitini %84 ke yetküzüp, 1 milyard 150 milyon yawro kirim qilduq. 2018 – yili hem türkiye sayahetchiliki hem san ékspris shirkiti üchün téximu yaxshi (bir yil) bolidu» dégenlerni qeyt qildi.

«<star> géziti», «türkiyede buningdin kéyin néfit saheliri hawadin éniqlinidu» serlewhilik xewiride töwendiki uchurlarni oqurmenliri bilen ortaqlashti: afriqa qatarliq dunyaning köpligen döletliride ijra qiliniwatqan hawada turup néfit sahelirini éniqlash xizmiti türkiyedimu ishqa ashuruldi. türkiye néfitliri hessidarliq shirkiti, sherq we sherqiy jenubtiki tekshürüsh xizmetlirini hawada élip bérishni bashlidi. bir engliye shirkiti bilen tüzülgen kélishmge asasen, 10 kishilik néfit mutexessisliri heyiti wezipe ötigen türkiye néfitliri shirkitining bir ayropilani, batman ayrodurumidin quyash bilen teng kötürülüp rayonni ghérichmu ghérich tekshürmekte. yerning tartish küchidiki oxshimasliqlarni bayqighan ayropilan, néfit chiqish éhtimali bar jaylarni békitish rolini oynimaqta.

«<sabah> géziti», «mughla dunya ralli musabiqisigha teyyar» serlewhilik xewiride töwendiki uchurlarni oqurmenliri bilen ortaqlashti: 2018 – yilliq xelqara ralli chémpiyonluqni talishish musabiqisining 10 – nöwetlik musabiqisi bolghan türkiye rallisi 13 – séntebirdin 16 – séntebirgiche mughlaning marmaris nahiyeside ötküzülidu. 896 kilométir uzunluqtiki musabiqe liniyeside, omumiy uzunluqi 317 kilométir kélidighan 17 alahide basquchni bésip ötidighan mahirlar, milyonlarche kishide untulmas eslimilerni qalduridu. musabiqining axirqi küni bolghan 16 – séntebir yekshenbe türkiye waqti 9 din 25 minut ötkende rolni qoligha alidighan mahirlar, üstünlük basquchini bésip ötüp rallini axirlashturidu.


خەتكۈچ: uyghurche , radiyo , gézit , metbuat , türkiye

مۇناسىۋەتلىك خەۋەرلەر