27.08.2018

бүгүнки түркийә гезитлиридин таллап тәййарлиған хәвәрлиримизниң қисқичә мәзмунлири төвәндикичә:

27.08.2018

түркийә авази радийоси хәвири: «<йеңи шәпәқ> гезити», «җумһур рәислик сарийи зәпәр һәптиси мунасивити билән бир видео тарқатти» сәрләвһилик хәвиридә төвәндики учурларни оқурмәнлири билән ортақлашти: җумһур рәислик сарийи, малазгирт зәпириниң 947 йиллиқи мунасивити билән рәсмий интернет сәһиписи арқилиқ бир видео тарқатти. малазгиртта түркләрниң анадолуға киришини символлуқ әкс әттүрүп бәргән мубарәк қәдәмниң ташлиниш һекайиси тема қилинған видео, «зәпәр һәптиси мунасивити билән пүткүл шеһитлиримизни һөрмәт вә рәһмәт билән, ғазилиримизни миннәтдарлиқ туйғуси билән хатириләймиз» дегән қошумчә учур билән бирликтә тарқитилди. видео қисқа вақит ичидә көрүлүш рекорти йаратти.

«<вәтән> гезити», «германийәлик йуқири дәриҗилик әмәлдар, (ширкәт) хоҗайилири вә мәбләғ салғучиларни түркийәгә чақирди» сәрләвһилик хәвиридә төвәндики учурларни оқурмәнлири билән ортақлашти: сан експрес һава йоли ширкитиниң йоқири дәриҗилик әмәлдари җенс бисчоф, «мәбләғ салғучиларға мәбләғ селиш қарарлирини үстәл бешидики тәкшүрүшләргә асасән чиқармаслиқини тәвсийә қилимән. бу йәргә (түркийәгә) келиңлар, бу дөләтни, муһитини, үстқурулмисини көрүңлар» деди. түркийә сайаһәтчилик саһәси вә җәлипкарлиқида зор дәриҗидә илгириләш болғанлиқини көргәнликини әскәрткән бисчоф, «болупму йавропалиқ сайаһәтчиләрниң нәзиридин қариғинимизда қайтидин наһайити күчлүк көрүнүватиду. өткән йили түркийәдики сайаһәт мәркәзлири вә анадолуға җәмий 8 милйон 800 миң йолучи йөткидуқ. орундуқларниң толуш нисбитини %84 кә йәткүзүп, 1 милйард 150 милйон йавро кирим қилдуқ. 2018 – йили һәм түркийә сайаһәтчилики һәм сан експрис ширкити үчүн техиму йахши (бир йил) болиду» дегәнләрни қәйт қилди.

«<стар> гезити», «түркийәдә буниңдин кейин нефит саһәлири һавадин ениқлиниду» сәрләвһилик хәвиридә төвәндики учурларни оқурмәнлири билән ортақлашти: африқа қатарлиқ дунйаниң көплигән дөләтлиридә иҗра қилиниватқан һавада туруп нефит саһәлирини ениқлаш хизмити түркийәдиму ишқа ашурулди. түркийә нефитлири һәссидарлиқ ширкити, шәрқ вә шәрқий җәнубтики тәкшүрүш хизмәтлирини һавада елип беришни башлиди. бир әнглийә ширкити билән түзүлгән келишмгә асасән, 10 кишилик нефит мутәхәссислири һәйити вәзипә өтигән түркийә нефитлири ширкитиниң бир айропилани, батман айродурумидин қуйаш билән тәң көтүрүлүп районни ғеричму ғерич тәкшүрмәктә. йәрниң тартиш күчидики охшимаслиқларни байқиған айропилан, нефит чиқиш еһтимали бар җайларни бекитиш ролини ойнимақта.

«<сабаһ> гезити», «муғла дунйа ралли мусабиқисиға тәййар» сәрләвһилик хәвиридә төвәндики учурларни оқурмәнлири билән ортақлашти: 2018 – йиллиқ хәлқара ралли чемпийонлуқни талишиш мусабиқисиниң 10 – нөвәтлик мусабиқиси болған түркийә раллиси 13 – сентәбирдин 16 – сентәбиргичә муғланиң мармарис наһийәсидә өткүзүлиду. 896 километир узунлуқтики мусабиқә линийәсидә, омумий узунлуқи 317 километир келидиған 17 алаһидә басқучни бесип өтидиған маһирлар, милйонларчә кишидә унтулмас әслимиләрни қалдуриду. мусабиқиниң ахирқи күни болған 16 – сентәбир йәкшәнбә түркийә вақти 9 дин 25 минут өткәндә ролни қолиға алидиған маһирлар, үстүнлүк басқучини бесип өтүп раллини ахирлаштуриду.



مۇناسىۋەتلىك خەۋەرلەر