16.08.2018

бүгүнки түркийә гезитлиридә асасий салмақни игилигән хәвәрлиримизниң қисқичә мәзмуни төвәндикичә:

16.08.2018

түркийә авази радийоси: «вәтән гезити», акбаңк (Akbank) баш мудири һакан бинбашгилниң түркийә лирасиға чәт әлләрдә көп тәләп барлиқини елан қилип узун өтмәйла, әнглийәдин муһим бир хәвәрниң йетип кәлгәнликини хәвәр қилди.

гезитниң хәвиридә, гурдийан гезитиниң әнглийәдә алдинқи қатарда туридиған чәт әл пуллири ширкәтлиридин « ICE» ниң пул касисида лира қалмиғанлиқини йазғанлиқини хәвәр қилди.

«сабаһ гезити», хәлқаралиқ пул-муамилә киризис тәхминлири билән тонулған даңлиқ мәбләғ салғучи марк фейбер америка башлиған сода урушлири нәтиҗисиниң вәйран қилиш характерлик болуш мумкинликини ейтқанлиқини хәвәр қилди.

у: «сода урушлири рәсмий қарамлиқ. йәнә келип, дунйа иқтисадиниң ешиш сүрити астилаватқан бир мәзгилдә давамлишиватиду. һазир түркийә пай чәклирини сетивелиш әң мувапиқ, бир миқдар түркийә пай чәклири алимән. мениңчә, түркийәгә мәбләғ селишниң дәл вақтидур » дегән.

«йеңи шәпәқ гезити», түркийәгә қарши пул-муамилә уруши қозғиған доналд трамп һөкүмитиниң америка аксийә базириниң чүшүшигә сәвәб болғанлиқини хәвәр қилди.

с н н телевизийәси аксийә базириниң төвәнлишини, «түркийә билән болған сода уруши америка доллириниң қиммитини чүшүрүвәтти» дегән сәрләвһә астида хәвәр қилған.

с н н ниң мәзкур хәвәр анализида, «ғәрб түркийәдин айрилип қелишниң еғир бәдилини төләйду» дейилгән.

«стар гезити», түркийә ташқи ишлар министири мәвлүт чавушоғлуниң 10-нөвәтлик баш әлчиләр конферансиға қатнишип, русийәниң түркийәгә қарита виза рәсмийәтлирини аддийлаштуридиғанлиқи тоғрисида сөз қилғанлиқини хәвәр қилди.

хәвәрдә, чавушоғлуниң: «сода-санаәтчиләр вә һөкүмәт иши билән баридиғанлардин виза елинмайду. русийә билән сода-санаәтчилиримизгә, болупму йүк аптомобил шопурлиридин виза тәләп қилмаслиқ тоғрисида пиринсип җәһәттә келиштуқ, русийәниң виза рәсмийәтлирини пүтүнләй бикар қилишини үмид қилимиз» дегәнлики қәйт қилинди.

«хәбәртүрк гезити», 2018-йили ийул ейида чәт әлликләргә сетилған өй санини 2017-йилниң охшаш мәзгилидикигә селиштурғанда %65.6 ешип, 2 миң 856 гә йәткәнликини хәвәр қилди.

2018-йили ийул ейда истанбулда чәт әлликләргә 956 өй сетилған болуп, биринчи рәттин орун алған. анталйада 641 өй сетилған болуп, иккинчи рәттә турған. бурсада 176 өй сетилған болуп үчинчи рәттин, йаловада 167 өй, сакарйада 132 өй сетилған болуп, төтинчи вә бәшинчи рәттин орун алған.

өйләрни әң көп ирақ, иран, сәуди әрәбистан, русийә вә күвәйт қатарлиқ дөләтләрниң пуқралири сетивалған.



مۇناسىۋەتلىك خەۋەرلەر