15.08.2018

бүгүнки түркийә гезитлиридә асасий салмақни игилигән хәвәрлиримизниң муһим мәзмунлири төвәндикичә:

15.08.2018

һүррийәт гезити «җумһур рәис рәҗәп таййип әрдоған: америкиниң електронлуқ мәһсулатлирини байқут қилимиз, деди»сәрләвһилик хәвиридә муну учурларни оқурмәнлири билән ортақлашти: «җумһур рәис рәҗәп таййип әрдоған түркийәниң америкиниң електронлуқ мәһсулатлирини байқут қилидиғанлиқини ейтти. әрдоған сийасәт, иқтисад вә җәмийәт тәтқиқатлири вәқписи тәрипидин әнқәрә сода уйушмиси бинасиида чақирилған <һөкүмәтниң 16 йиллиқи вә адаләт вә тәрәқийат партийәси > намлиқ илмий муһакимә йиғинида америкиниң ембарго қарарлириға қарши тегишлик тәдбирләрни алғанлиқлирини әскәртти.»

һабәр түрк гезити «бинали йилдирим: түркийә бу киризстин сақ-саламәт қутулуп чиқиду, деди»сәрләвһилик хәвиридә муну учурларға орун аҗратти: «дунйаниң һәр қайси җайлиридики түркийә әлчилири билән көрүшкән түркийә бүйүк милләт мәҗлиси башлиқи бинали йилдирим мундақ деди: түркийә сийасий мәқсәтләрни көзләп елип берилған иқтисадий сийасәтләргә тақабил туралайду, түркийә бу киризстин сақ-саламәт қутулуп чиқиду. ташқи пирувуттики давалғушлар түркийәниң һәққий иқтисадий әһвалини әкс әттүрүп берәлмәйду, бу өзгиришләрниң тегидә иқтисад әмәс сийасәт йатиду.»

ватан гезити «министир албайрак чәт әллик карханчилар билән көрүшиду»сәрләвһилик хәвиридә муну учурларни оқурмәнлири билән ортақлашти: «хәзинә вә малийә ишлири министири барат албайрак әтә чәт әл карханичилири билән телефон йиғини өткүзиду. албайрак чәт әл карханичилириға хитаб қилиду. бу қетимқи йиғинға америка, йавропа вә оттура шәрқтики чоң карханичилар болуп дунйа миқийасидин 750дин 1000ғичә кишиниң ишитрак қилиши мөлчәрләнмәктә.»

сабаһ гезити «түрк һава йоллири ширкити америка ширкәтлиригә елан бәрмәйдиғанлиқини уқтурди»сәрләвһилик  хәвиридә муну учурларға орун аҗратти: «түркийәдики әң чоң ширкәтләр америкиға қаритилған елан ембаргоси сәпәрвәрлик паалийитигә йеқиндин аваз қошмақта. түрк телеграф ширкитидин кейин түрк һава йоллири ширкитиму бу паалийәткә аваз қошти. түрк һава йоллири ширкити америка ширкәтлиригә елан бәрмәйдиғанлиқини уқтурди. түрк һава йоллири ширкити медийа ишханиси башлиқи йәһйа үстүн, иҗтимаий таратқудики адерисида тарқатқан учурида мундақ деди: ширкитимиз дөлитимиз вә миллитимиз билән бир сәптә туриду. алақидар орунлар бу мәсилидә қандақ қилидиғанлиқимиз тоғрисида йолйуруқ чүшүрди.»

ситар гезити «ванда урартулуқларниң изи байқалди»сәрләвһилик хәвиридә муну учурларға орун аҗратти: «қәдимий ван қәләси әтрапида истанбул университети әдәбийат пакултити ван райони тарих вә архиологийә тәтқиқат мәркизи башлиқи досент доктор әркан конйар башчилиқида елип берилған қезилма хизмәтлиридә урартулуқларниң изи байқалди. конйар 26сантметир узунлуқта вә 36 номурлуқ икәнлики ениқланған айақ изиниң тепилған җайдин кесип елинип тәҗрибиханида тәкшүрүлгәндин кейин музейға тапшуруп берилидиғанлиқиға ейтти.»



مۇناسىۋەتلىك خەۋەرلەر