14.08.2018

бүгүнки түркийә гезитлиридә асасий салмақни игилигән хәвәрлиримизниң муһим мәзмунлири төвәндикичә:

14.08.2018

ситар гезити «әрдоған: түркийә иқтисадий җәһәттин қоршав астида қалди, деди»сәрләвһилик хәвиридә муну учурларни оқурмәнлириниң диққитигә сунди: «җумһур рәис рәҗәп таййип әрдоған түнүгүн җумһур рәислик сарийида 10-нөвәтлик әлчилар йиғиниға қатнашқанларниң шәрипигә берилгән зийапәттә сөз қилип, америка пирезиденти доналд трампниң түркийәгә ембарго қойушни қарар қилишиниң пәрвасизлачә қилмиш икәнликини алаһидә әскәртип өтти. әрдоған йеқинқи мәзгилләрдә түркийәниң хәлқара сәһнидә қолға кәлтүргән зор утуқлири сәвәблик һуҗум нишаниға айланғанлиқини тәкитләп, түркийәниң башқа саһәләргә охшаш иқтисадий саһәдиму қоршавға елинғанлиқини ейтти.»

һабәр түрк гезити «калин: түркийә иқтисадиниң иммунит күчи мустәһкәмдур,деди»сәрләвһилик хәвиридә муну учурларни оқурмәнлири билән ортақлашти: «җумһур рәислик сарийи байанатчиси ибраһим калин иҗтимаий таратқудики адерисида түркийәниң нөвәттики иқтисадий әһвали үстидә тохталди. калин учурида мундақ деди: хәзинә вә малийә ишлири минситирлиқи, мәркәз банкиси, банка ишлирини тәртипкә селиш вә назарәт қилиш идариси қатарлиқ алақидар органлиримиз дөлитимизниң пул-муамилә системисиниң муқимлиқи үчүн тегишлик тәдбирләрни еливатиду, түркийә иқтисадиниң иммунит күчи мустәһкәмдур, йалған хәвәрләргә қулақ салмаслиқимиз керәк, түркийә бу қийин өткәлдин сақ-саламәт өтүп кетиду.»

сабаһ гезити «ташқи ишлар министири мәвлүт чавушоғлу хәлқарани түркийәгә мәбләғ селишқа чақирди»сәрләвһилик хәвиридә муну учурларға орун аҗратти: «ташқи ишлар министири мәвлүт чавушоғлу 10-нөвәтлик әлчилар йиғининиң ечилиш мурасимида мунуларни байан қилди: нөвәттә йерими дегүдәк йавропа қитәси болуп охшимиған қитәләрдин җәмий 74 дөләтниң түркийәдә мәблиғи бар.  техиму көп ширкәт вә шәхсни дөлитимизгә мәбләғ селишқа қизиқтуруш үчүн һәмкарлишип хизмәт қилимиз. пүткүл дунйани дөлитимизгә мәбләғ селишқа чақиримән. тәтүр тәшвиқатлар вә дунйаниң нөвәттә қийин синақларни баштин кәчүрүватқан болушиниң әксичә түркийә мәбләғ селишқа әң мувапиқ адреслардин биридур.»

йеңи шәпәқ гезити «албайрак: германийәниң байанатидин сөйүндуқ, деди»сәрләвһилик хәвиридә муну учурларға орун аҗратти: «хәзинә вә малийә ишлири министири бәрат албайрак : америка түркийәгә ембарго қойушни қарар қилди, буниңға қарши германийә һөкүмитиниң елан қилған байанатидин хурсән болдуқ, йахшилиқ вә дипломатийәни йақлайдиған сийасәтчиләр, германийә вә йавропа иттипақи билән болған мунасивәтлиримиз түрк хәлқиниң ишәнчисини күчәйтиду, деди. германийә һөкүмити<түркийә иқтисадиниң муқим болуши бизгиму пайдилиқ, биз вәзийәтни йеқиндин көзитиватимиз> дегән мәзмунда байанат бәргәниди.»

һүррийәт гезити «ирақлиқ сайаһәтчиләр түркийәдә сайаһәт қилишни йахши көриду»сәрләвһилик хәвиридә муну учурларни оқурмәнлири билән ортақлашти: «түркийә тарихий вә тәбиий гүзәлликлири билән ирақлиқ сайаһәтчиләрниң диққитини җәлп қилмақта. ирақниң болупму җәнубий вилайәтлиридин кәркүк вә әрбилгә келип сайаһәт ширкәтлири тәшкиллигән сайаһәт сәпәрлиригә қатнишидиғанларниң санида көринәрлик ешиш көрүлмәктә. кәркүктики бир сайаһәт ширкитиниң башлиқи һидайәт мәһди, бу йил ийундин һазирғичә кәркүктин күндә әң аз 500 сайаһәтчиниң түркийәгә маңидиғанлиқини ейтти.»  



مۇناسىۋەتلىك خەۋەرلەر