13.08.2018

bügünki türkiye gézitliride asasiy salmaqni igiligen xewerlirimizning muhim mezmunliri töwendikiche:

13.08.2018

hürriyet géziti «jumhur reis rejep tayyip erdoghan: oyuninglarni körüp yettuq, silerge adaqqiche duél ilan qilimiz, dédi»serlewhilik xewiride munu uchurlarni oqurmenlirining diqqitige sundi: «jumhur reis rejep tayyip erdoghan trabzonda adalet we tereqqiyat partiyesi hemkarliq mejliside muhim sözlerni qildi.  erdoghan mundaq dédi: trabzonda shuni jakarlaymen: oyuninglarni körüp yettuq, silerge adaqqiche duél élan qilimiz, siler dollar bilen bizge hujum qiliwatisiler, biz bolsaq bashqa yollar arqiliq ishimizni hel qilimiz. 81 milyonluq bir dölet bilen bolghan istiratégiyelik ittipaqdashliqni qurban qilip térrorchilar bilen til biriktürgenlerge xeyri-xosh, deymiz.»

watan géziti «moskwa hökümiti bezi türk puqralirigha wiza belgilimisini asanlashturidu»serlewhilik xewiride munu uchurlargha orun ajratti: «rusiye tashqi ishlar ministirliqi türkiye puqralirigha bezi wiza türlirini bikar qilidighanliqini bildürdi. ministirliqtin bu heqte élan qilinghan bayanatta, rusiye tashqi ishlar ministiri sérgéy lawrowning 10-nöwetlik elchiler qurultiyi dairiside 13-we 14-awghustta türkiyede ziyarette bolidighanliqi, ziyarette türkiye bilen rusiye arisidiki iqtisadiy munasiwetlerning kéngesh qilinidighanliqi bildürüldi. bayanatta mundaq déyildi: ikki döletning soda hejimide körinerlik éshish körüldi, biz buningdin xursen bolduq, ziyarette bu qétim ikki döletning puqralirining sayahet resmiyetlirini asanlashturush mesilisimu muzakire qilinidu, moskwa hökümiti türkiye puqralirigha bezi wiza türlirini asanlashturushni oylishiwatidu.  »

haber türk géziti «soda kéngesh bilen janlinidu»serlewhilik xewiride munu uchurlarni oqurmenliri bilen ortaqlashti: «soda ishliri ministiri ruhsar pekjan yéngi dewirde ammiwi teshkilatlar bilen aktip munasiwet ornitidighanliqlirini, soda we éksportni ashurush üchün aktip siyasetlerning yolgha qoyulidighanliqini eskertip mundaq dédi: biz kéngesh komitéti teshkillep chiqtuq, sodining aldidiki barliq tosalghularni bikar qilish, xususiy karxanilargha sharait yaritip bérish meqsitide barliq qatlamlarning pikir-tekliplirige qulaq salimiz.»

sabah géziti «bilejik wilayiti firansiyege 45 yük mashinisi qulule ewetti»serlewhilik xewiride munu uchurlargha orun ajratti:  «bilejikte <qara qulule  tamiqi>ishlepchiqarghan bir shirket, firansiyege mehsulatlirini éksport qilidu. shirketning balikesir bandirma nahiyesidiki zawutida pishshiqlap ishlengen qululiler, bilejik sanaet bazisidiki 4000 kwadrat métir kélidighan zawutta oralghandin kéyin firansiyege éksport qilinidu. »

sitar géziti «yasemin jan yawropa boyiche üchinchi boldi»serlewhilik xewiride munu uchurlarni oqurmenliri bilen ortaqlashti: «yawropa yénik atlitka chimpiyonluqni talishish musabiqiside ayallarning 5000 métirgha yügresh musabiqiside milliy tenherket mahiri yasemin jan mis médalgha érishti. gérmaniyening paytexti bérlinda ötküzülgen chimpiyunluqni talishish musabiqiside 5000 métirgha yügresh musabiqisi boldi. musabiqide yasemin jan 14 minut 57 sékunt 63 deqiqeliq netije bilen üchinchilikke ériship mis médalgha érishti.»



مۇناسىۋەتلىك خەۋەرلەر