13.08.2018

бүгүнки түркийә гезитлиридә асасий салмақни игилигән хәвәрлиримизниң муһим мәзмунлири төвәндикичә:

13.08.2018

һүррийәт гезити «җумһур рәис рәҗәп таййип әрдоған: ойуниңларни көрүп йәттуқ, силәргә адаққичә дуел илан қилимиз, деди»сәрләвһилик хәвиридә муну учурларни оқурмәнлириниң диққитигә сунди: «җумһур рәис рәҗәп таййип әрдоған трабзонда адаләт вә тәрәққийат партийәси һәмкарлиқ мәҗлисидә муһим сөзләрни қилди.  әрдоған мундақ деди: трабзонда шуни җакарлаймән: ойуниңларни көрүп йәттуқ, силәргә адаққичә дуел елан қилимиз, силәр доллар билән бизгә һуҗум қиливатисиләр, биз болсақ башқа йоллар арқилиқ ишимизни һәл қилимиз. 81 милйонлуқ бир дөләт билән болған истиратегийәлик иттипақдашлиқни қурбан қилип террорчилар билән тил бириктүргәнләргә хәйри-хош, дәймиз.»

ватан гезити «москва һөкүмити бәзи түрк пуқралириға виза бәлгилимисини асанлаштуриду»сәрләвһилик хәвиридә муну учурларға орун аҗратти: «русийә ташқи ишлар министирлиқи түркийә пуқралириға бәзи виза түрлирини бикар қилидиғанлиқини билдүрди. министирлиқтин бу һәқтә елан қилинған байанатта, русийә ташқи ишлар министири сергей лавровниң 10-нөвәтлик әлчиләр қурултийи даирисидә 13-вә 14-авғустта түркийәдә зийарәттә болидиғанлиқи, зийарәттә түркийә билән русийә арисидики иқтисадий мунасивәтләрниң кеңәш қилинидиғанлиқи билдүрүлди. байанатта мундақ дейилди: икки дөләтниң сода һәҗимидә көринәрлик ешиш көрүлди, биз буниңдин хурсән болдуқ, зийарәттә бу қетим икки дөләтниң пуқралириниң сайаһәт рәсмийәтлирини асанлаштуруш мәсилисиму музакирә қилиниду, москва һөкүмити түркийә пуқралириға бәзи виза түрлирини асанлаштурушни ойлишиватиду.  »

һабәр түрк гезити «сода кеңәш билән җанлиниду»сәрләвһилик хәвиридә муну учурларни оқурмәнлири билән ортақлашти: «сода ишлири министири руһсар пәкҗан йеңи дәвирдә аммиви тәшкилатлар билән актип мунасивәт орнитидиғанлиқлирини, сода вә експортни ашуруш үчүн актип сийасәтләрниң йолға қойулидиғанлиқини әскәртип мундақ деди: биз кеңәш комитети тәшкилләп чиқтуқ, содиниң алдидики барлиқ тосалғуларни бикар қилиш, хусусий карханиларға шараит йаритип бериш мәқситидә барлиқ қатламларниң пикир-тәклиплиригә қулақ салимиз.»

сабаһ гезити «биләҗик вилайити фирансийәгә 45 йүк машиниси қулулә әвәтти»сәрләвһилик хәвиридә муну учурларға орун аҗратти:  «биләҗиктә <қара қулулә  тамиқи>ишләпчиқарған бир ширкәт, фирансийәгә мәһсулатлирини експорт қилиду. ширкәтниң баликәсир бандирма наһийәсидики завутида пишшиқлап ишләнгән қулулиләр, биләҗик санаәт базисидики 4000 квадрат метир келидиған завутта оралғандин кейин фирансийәгә експорт қилиниду. »

ситар гезити «йасәмин җан йавропа бойичә үчинчи болди»сәрләвһилик хәвиридә муну учурларни оқурмәнлири билән ортақлашти: «йавропа йеник атлитка чимпийонлуқни талишиш мусабиқисидә айалларниң 5000 метирға йүгрәш мусабиқисидә миллий тәнһәркәт маһири йасәмин җан мис медалға еришти. германийәниң пайтәхти берлинда өткүзүлгән чимпийунлуқни талишиш мусабиқисидә 5000 метирға йүгрәш мусабиқиси болди. мусабиқидә йасәмин җан 14 минут 57 секунт 63 дәқиқәлиқ нәтиҗә билән үчинчиликкә еришип мис медалға еришти.»



مۇناسىۋەتلىك خەۋەرلەر