09.08.2018

bügünki türkiye gézitliride asasiy salmaqni igiligen xewerlirimizning muhim mezmunliri töwendikiche:

09.08.2018

türkiye awazi radiyosi: «yéngi shepeq géziti», türkiye bilen amérikaning pop brunson weqesining ulghiyishi netijiside bashlanghan hemde edliye we ichki ishlar ministirlirigha qoyulghan özara émbargolarghiche yétip barghan kirizisni hel qilish üchün, söhbet ötküzgenlikini xewer qildi.

gézitning xewiride, washingtonda ötküzülgen söhbetke, türkiye muawin tashqi ishlar ministiri sedat önal bashchiliqidiki toqquz kishilik heyetning qatnashqanliqi bildürüldi.

«hörriyet géziti», bu yil (2018) ning aldinqi yette éyida polat-tömür  sahesidiki éksportning 2017-yilning oxshash mezgilidikige sélishturghanda %26.7 éship, 8.4 milyard dollargha yetkenlikini xewer qildi.

xewerde, türkiyening eng köp polat mehsulatliri éksport qilghan döletler ichide yawropa ittipaqi döletlirining turidighanliqi eskertildi.

bildürülishiche, yawropa ittipaqi döletlirige 2018-yilning deslepki yette éyida qilinghan polat mehsulatliri éksporti 2017-yilning oxshash mezgilidikige sélishturghanda %62.9 éship, 3 milyard 604 milyon 730 ming dollargha yetken.

«sabah géziti», énérgiye we tebiiy bayliqlar ministiri fatih dönmezning akkuyu we sinopta yasilidighan yadro éléktir istansisidin kéyin, trakyada üchinchi yadro éléktir istansisining yasilidighanliqini éytqanliqini xewer qildi.

xewerde bildürülishiche, ministir fatih dönmez: «üchinchi yadro éléktir istansisini xitay bilen birlikte yasaymiz» dégen.

«weten géziti», qatnash ministiri mehmet jahit turhan türkiyening kishini ghururlanduridighan layihelirini emelge ashurush üchün xizmetlerning süritini tézleshtüridighanliqini éytqanliqini xewer qildi.

gézitning xewiride, xelq ichide «méga layihe» (Mega proje) dep atilidighan üch qewetlik «büyük istanbul tonéli layihesi» ning dunyadiki tunji layihe hésablinidighanliqini eskertip, qurulushi dawam qiliwatqan layihening kötérege bérilidighanliqi qeyt qilindi.

«star géziti», kastamononing kasaba yézisida jandaroghlu begliridin adil begning oghli emir mehmut beg teripidin 1366-yili tömür chiwiq we mix ishlitilmestin yaghach taxtaylar bilen yasalghan mehmut beg jamesining, yerlik we chet ellik sayahetchilerni jelp qiliwatqanliqini xewer qildi.

xewerde qeyt qilinishiche, yunésko dunya mirasining waqitliq tizimlikige kirgüzülgen jameni uzun muddetlik tizimlikke kirgüzüsh üchün munasiwetlik xizmetler bashlanghan.


خەتكۈچ: weten , star , sabah

مۇناسىۋەتلىك خەۋەرلەر