09.08.2018

бүгүнки түркийә гезитлиридә асасий салмақни игилигән хәвәрлиримизниң муһим мәзмунлири төвәндикичә:

09.08.2018

түркийә авази радийоси: «йеңи шәпәқ гезити», түркийә билән американиң поп брунсон вәқәсиниң улғийиши нәтиҗисидә башланған һәмдә әдлийә вә ички ишлар министирлириға қойулған өзара ембарголарғичә йетип барған киризисни һәл қилиш үчүн, сөһбәт өткүзгәнликини хәвәр қилди.

гезитниң хәвиридә, вашингтонда өткүзүлгән сөһбәткә, түркийә муавин ташқи ишлар министири сәдат өнал башчилиқидики тоққуз кишилик һәйәтниң қатнашқанлиқи билдүрүлди.

«һөррийәт гезити», бу йил (2018) ниң алдинқи йәттә ейида полат-төмүр  саһәсидики експортниң 2017-йилниң охшаш мәзгилидикигә селиштурғанда %26.7 ешип, 8.4 милйард долларға йәткәнликини хәвәр қилди.

хәвәрдә, түркийәниң әң көп полат мәһсулатлири експорт қилған дөләтләр ичидә йавропа иттипақи дөләтлириниң туридиғанлиқи әскәртилди.

билдүрүлишичә, йавропа иттипақи дөләтлиригә 2018-йилниң дәсләпки йәттә ейида қилинған полат мәһсулатлири експорти 2017-йилниң охшаш мәзгилидикигә селиштурғанда %62.9 ешип, 3 милйард 604 милйон 730 миң долларға йәткән.

«сабаһ гезити», енергийә вә тәбиий байлиқлар министири фатиһ дөнмәзниң аккуйу вә синопта йасилидиған йадро електир истансисидин кейин, тракйада үчинчи йадро електир истансисиниң йасилидиғанлиқини ейтқанлиқини хәвәр қилди.

хәвәрдә билдүрүлишичә, министир фатиһ дөнмәз: «үчинчи йадро електир истансисини хитай билән бирликтә йасаймиз» дегән.

«вәтән гезити», қатнаш министири мәһмәт җаһит турһан түркийәниң кишини ғурурландуридиған лайиһәлирини әмәлгә ашуруш үчүн хизмәтләрниң сүритини тезләштүридиғанлиқини ейтқанлиқини хәвәр қилди.

гезитниң хәвиридә, хәлқ ичидә «мега лайиһә» (Mega proje) дәп атилидиған үч қәвәтлик «бүйүк истанбул тонели лайиһәси» ниң дунйадики тунҗи лайиһә һесаблинидиғанлиқини әскәртип, қурулуши давам қиливатқан лайиһәниң көтерәгә берилидиғанлиқи қәйт қилинди.

«стар гезити», кастамонониң касаба йезисида җандароғлу бәглиридин адил бәгниң оғли әмир мәһмут бәг тәрипидин 1366-йили төмүр чивиқ вә мих ишлитилмәстин йағач тахтайлар билән йасалған мәһмут бәг җамәсиниң, йәрлик вә чәт әллик сайаһәтчиләрни җәлп қиливатқанлиқини хәвәр қилди.

хәвәрдә қәйт қилинишичә, йунеско дунйа мирасиниң вақитлиқ тизимликигә киргүзүлгән җамәни узун муддәтлик тизимликкә киргүзүш үчүн мунасивәтлик хизмәтләр башланған.


خەتكۈچ: вәтән , стар , сабаһ

مۇناسىۋەتلىك خەۋەرلەر