08.08.2018

bügünki türkiye gézitliride asasiy salmaqni igiligen xewerlirimizning muhim mezmunliri töwendikiche:

08.08.2018

türkiye awazi radiyosi: «hörriyet géziti», türkiye tashqi ishlar ministiri mewlüt chawushoghlu bilen amérika tashqi ishlar ministiri mayk pompéyoning muhim uchrishish ötküzgenlikini xewer qildi.

gézitning xewiride, türkiye tashqi ishlar ministiri mewlüt chawushoghluning amérika tashqi ishlar ministiri mayk pompéyo bilen téléfonda körüshüp, amérika bilen türkiye otturisidiki munasiwetlerni we mewjut mesililerni hel qilishni muzakire qilghanliqi bildürüldi.

«weten géziti», türkiye dölet mudapie ministiri hulusi akarning amérika dölet mudapie ministiri bilen körüshkenlikini xewer qildi.

gézitning xewiride, türkiye dölet mudapie ministiri hulusi akarning amérika dölet mudapie ministiri mattis bilen téléfonda körüshüp, ikki terepning mudapie sahesidiki munasiwetliri, süriye we térrorluqqa qarshi küresh mesililiride özara pikir almashturghanliqi bildürüldi.

«sabah géziti», sanaet we téxnika ministiri mustafa warangkning bosh (Bosch ) shirkiti bursada qurmaqchi bolghan yéngi ewlad yuqiri bésimliq bénzinliq shpiris ishlepchiqirish zawuti sayisida, yiligha 185 milyon dollar qimmitide mehsulat éksport qilinidighanliqini éytqanliqini xewer qildi.

«star géziti», bosniye-gértségowinada ötküzülidighan 24-nöwetlik sarayéwo filim féstiwaligha qatnishidighan rézhissor nuri bilge jeylanning, isimlirining élan qilinishi töt köz bilen kütülüwatqan méhmanlarning béshidin orun alidighanliqini xewer qildi.

«xebertürk géziti», gérmaniye paytexti bérlinde ötküzülgen yawropa yinik atlitka chémpiyonluqida, türkiyelik zhak eli harwéy bilen emre zaferning 100 métirgha yügresh hel qilghuch musabiqiside yaxshi netijilerni qolgha keltürgenlikini xewer eqildi.

xewerde, zhak eli harwéyning üchinchi bolghanliqi, emre zaferning yettinchi bolghanliqi bildürüldi.


خەتكۈچ: star , weten , sabah

مۇناسىۋەتلىك خەۋەرلەر