08.08.2018

бүгүнки түркийә гезитлиридә асасий салмақни игилигән хәвәрлиримизниң муһим мәзмунлири төвәндикичә:

08.08.2018

түркийә авази радийоси: «һөррийәт гезити», түркийә ташқи ишлар министири мәвлүт чавушоғлу билән америка ташқи ишлар министири майк помпейониң муһим учришиш өткүзгәнликини хәвәр қилди.

гезитниң хәвиридә, түркийә ташқи ишлар министири мәвлүт чавушоғлуниң америка ташқи ишлар министири майк помпейо билән телефонда көрүшүп, америка билән түркийә оттурисидики мунасивәтләрни вә мәвҗут мәсилиләрни һәл қилишни музакирә қилғанлиқи билдүрүлди.

«вәтән гезити», түркийә дөләт мудапиә министири һулуси акарниң америка дөләт мудапиә министири билән көрүшкәнликини хәвәр қилди.

гезитниң хәвиридә, түркийә дөләт мудапиә министири һулуси акарниң америка дөләт мудапиә министири маттис билән телефонда көрүшүп, икки тәрәпниң мудапиә саһәсидики мунасивәтлири, сүрийә вә террорлуққа қарши күрәш мәсилилиридә өзара пикир алмаштурғанлиқи билдүрүлди.

«сабаһ гезити», санаәт вә техника министири мустафа вараңкниң бош (Bosch ) ширкити бурсада қурмақчи болған йеңи әвлад йуқири бесимлиқ бензинлиқ шпирис ишләпчиқириш завути сайисида, йилиға 185 милйон доллар қиммитидә мәһсулат експорт қилинидиғанлиқини ейтқанлиқини хәвәр қилди.

«стар гезити», боснийә-гертсеговинада өткүзүлидиған 24-нөвәтлик сарайево филим фестивалиға қатнишидиған режиссор нури билгә җәйланниң, исимлириниң елан қилиниши төт көз билән күтүлүватқан меһманларниң бешидин орун алидиғанлиқини хәвәр қилди.

«хәбәртүрк гезити», германийә пайтәхти берлиндә өткүзүлгән йавропа йиник атлитка чемпийонлуқида, түркийәлик жак әли һарвей билән әмрә зафәрниң 100 метирға йүгрәш һәл қилғуч мусабиқисидә йахши нәтиҗиләрни қолға кәлтүргәнликини хәвәр әқилди.

хәвәрдә, жак әли һарвейниң үчинчи болғанлиқи, әмрә зафәрниң йәттинчи болғанлиқи билдүрүлди.


خەتكۈچ: стар , вәтән , сабаһ

مۇناسىۋەتلىك خەۋەرلەر