01.08.2018

türkiye awazi radiyosi: «sabah géziti», jumhur reislik sariyi bayanatchisi ibrahim kalinning, «dölet xewpsizlik kéngishidimu muzakire qilinghandek, etrapimizda, dölitimizde, rayon we dunya xaraktérlik hadisilerdin peyda bolghan xewpsizlik tehditlirige hemde xeterlerge qarshi kürishimiz qetiy dawamlishidu» dep éytqanliqini xewer qildi.

gézitning xewiride, bayanatchi ibrahim kalinning süriyediki ichki urushni siyasiy yollar bilen hel qilishqa munasiwetlik ishliniwatqan xizmetler üstidimu toxtilip, bu heqte bir qatar siyasiy tirishchanliqlarning dawamlishiwatqanliqini؛ bularning birining sochi yighinliri ikenlikini éytqanliqi qeyt qilindi.

«star géziti», shanliurfaning akchakale nahiyelik hökümetning chégra saqchi pokitining hoylisigha uzunluqi alte métir, kengliki töt métir kélidighan türkiye bayriqini qadighanliqini xewer qildi.

xewerde, bayraqni térrorluq teshkilati p k k|y p g ning kontrolluqi astidiki tél abyat rayonidin éniq körgili bolidighanliqi eskertildi.

«yéngi shepeq géziti», türkiye mudapie sanaiti tereqqiy qildurghan uchquchisiz ayropilanlar sépige, ulak (Ulak) ayropilaniningmu qétilghanliqini xewer qildi.

xewerde, muqim we qaniti aylinidighan uchquchisiz ayropilan bolghan ulakni yil axirighiche yasap chiqishning pilan qilinghanliqi bildürüldi.

«hörriyet géziti», istanbul sabiha gökchen xelqara ayrodurumining 26 milyon yawro meblegh sélinip pütküzülgen ichki linye yéngi binasining échilishining ötküzülgenlikini xewer qildi.

xewerde, yéngi bina sayisida yilliq yoluchi toshush miqdarining 41 milyongha chiqidighanliqi bildürüldi.

«weten géziti», türkiyening sayahetchilik kirimining 2018-yilning ikkinchi charikide 2017-yilning oxshash mezgilidikige sélishturghanda %30.1 éship 7 milyard 44 milyon 591 ming dollargha yetkenlikini élan qildi.