20.06.2018

Basın Özetleri- 20.06.2018

hörmetlik radiyo anglighuchilar, «türkiye metbuatliridin qisqiche xewerler» namliq pirogrammimizda, bügünki türkiye gézitliride asasiy salmaqni igiligen xewerlerni huzurunglargha sunimiz.

türkiye awazi radiyosi: "hörriyet géziti", bash ministir binali yildirim amérikaning türkiyege qoral sétishni tonglitish qararining istratégiyelik shériklik rohigha xilap ikenlikini éytqanliqini xewer qildi.

xewerde, bash ministir binali yildirimning: "qarar nahayiti epsuslinarliq özgirish hésablinidu. türkiyening tallash yoli yoq emes, bu heriketler kishini tolimu epsuslanduridu we istratégiyelik shériklik munasiwetke xilap" dégenliki qeyt qilindi.

"star géziti", iran parlaménti dölet xewpsizlik we tashqi siyaset komitéti ezasi muhemmed jewad jemali nubendegani türkiyening bölgünchi térrorluq teshkilati p k k gha qarshi kürishini testiqlaydighanliqini éytqanliqini xewer qildi.

"sabah géziti", bu yil (2018) ning béshidin bashlap trabzongha köpinchisi pars qoltuqi döletliridin kelgen chet ellik sayahetchiler sanining 100 mingdin iship ketkenlikini xewer qildi.

xewerde, trabzonda iyun éyidin bashlap méhmansaraylarning tolush nisbitining %80 ke yetkenliki eskertildi.

"yéngi shepeq géziti", türkiyening tunji métro qatnash wastisi éksportining tayladqa qilinghanliqini xewer qildi.

xewerde, töt wagonluq 22 métro poyizi ishlepchiqirishqa mesul bolghan bozankaya shérikchiliki shirkitining birinchi qétimda yasalghan métroni murasim bilen taylandning munasiwetlik mesullirigha tapshurghanliqi bildürüldi.

"weten géziti", wanda bixeterlik sewebidin waqitliq toxtitilghan wan-tebriz poyiz seperlirining aridin üch yil ötkende qayta bashlanghanliqini xewer qildi.