13.06.2018

bügünki türkiye gézitliride asasiy salmaqni igiligen xewerlirimizning qisqiche mezmunliri töwendikiche:

13.06.2018

türkiye awazi radiyosi: "hörriyet géziti", türkiye bilen ezerbeyjan teripidin qurulushi üch yil dawam qilghan we ezerbeyjan tebiiy gazini türkiye arqiliq yawropagha yetküzidighan trans anadolu tebiiy gaz turuba yoli tanap (TANAP) ning ishqa kirishtürülgenlikini xewer qildi.

gézitning xewiride, tanapning échilish murasimida, türkiye jumhur reisi rejep tayyip erdoghan, shimaliy qibris türk jumhuriyiti jumhur reisi mustafa akinji, ezerbeyjan pirézidénti ilham eliyéw, sérbiye pirézidénti aléksandar wujij we ukraina pirézidénti pétro poroshénkolarning qatnashqanliqi bildürüldi.

xewerde, échilish murasimda, jumhur reis rejep tayyip erdoghanning: "bügün rayonimiz we döletlirimiz üchün tarixiy qedem tashlimaqtimiz" dégenliki eskertildi.

"xeber türk géziti", türkiye bash ministiri binali yildirimning izmirde bulghariye bash ministiri boyko borisow bilen körüshkenlikini xewer qildi.

xewerde, bash ministir binali yildirimning: "türkiye yawropa ittipaqigha eza bolush üchün dawamliq tirishiwatidu, biraq yawropa ittipaqi kelgüsi nishanini belgilep, bu jehettiki murekkep haletni baldurraq axirlashturushi kérek" dégenliki qeyt qilindi.

"weten géziti", iqtisadqa mesul muawin bash ministir mehmet shimshekning türkiyening amérikadiki altunining hemmisining élinghanliqini élan qildi.

xewerde, mehmet shimshekning: "amérikadiki altunning hemmisini alduq, u yerde héchnime qalmidi" dégenliki qeyt qilindi.

"star géziti", dunyadiki eng chong déngiz tiransiport shirkiti méditéraniyanning türkiyege qatnash bashlighanliqini xewer qildi.

xewerde, shirketning diréktori diyégo aponténing: "dunyada nahayiti az sanaqliq döletlergila qatnaydighan, chong hejimlik kantinirliq paraiotlirimiz türkiyege qatnaydu" dégenliki bildürüldi.


خەتكۈچ: weten , star , TANAP , tanap , hörriyet , sabah

مۇناسىۋەتلىك خەۋەرلەر